ەندى ەلەكتروندى ۇكىمەت سايتىنا كىرۋ ءۇشىن ساندىق قولتاڭبانىڭ قاجەتى بولمايدى

ياعني ەلەكتروندى ۇكىمەت سايتىنا كىرگەن قولدانۋشى جەكە سايكەستەندىرۋ ءنومىرى مەن بايلانىس تەلەفونىن كورسەتىپ، كەيىن حابارلاما ارقىلى كەلگەن قۇپياءسوزدى تەرۋ ارقىلى قاجەتتى قىزمەتكە قول جەتكىزەدى. دەمەك ەلەكتروندى ساندىق قولتاڭبانىڭ قاجەتى بولمايدى.

 بۇگىن بۇل تۋرالى سەنات دەپۋتاتتارىمەن كەزدەسۋىندە «ازاماتتارعا ارنالعان ۇكىمەت» كورپوراتسياسىنىڭ باسشىسى مالىمدەدى. ونىڭ ايتۋىنشا، قازىر كورپوراتسيا «الەۋمەتتىك كارتا» جوباسىن ازىرلەپ جاتىر. وسى ارقىلى حالىق جاردەماقى مەن زەينەتاقى الىپ جانە جول بيلەتى رەتىندە قولداناتىن بولادى. بۇدان بولەك، تۇرعىن ءۇيدىڭ تەحنيكالىق ءتولقۇجاتىن الۋ ءتارتىبى دە جەڭىلدەدى.

ابىلايحان وسپانوۆ، «ازاماتتارعا ارنالعان ۇكىمەت» م ك» ك ا ق باسقارما ءتوراعاسى:

- بۇگىندە ءۇيدىڭ تەحنيكالىق سيپاتتاماسىن تەحنيكتەر قولمەن سىزادى. ەندى ءبىز بۇل جۇمىستى اۆتوماتتاندىرۋدى جوسپارلاپ وتىرمىز. بۇدان بىلاي تەحنيكتەر جاڭا عيماراتتىڭ باسىنا پلانشەتپەن كەلىپ، ولشەپ ەسەپتەيدى. سوسىن قۇجاتتى ازىرلەۋگە جىبەرەدى. وسىلايشا تەحنيكالىق ءتولقۇجاتتى جاساۋ مەرزىمى قىسقارادى.

بىلتىر «ازاماتتارعا ارنالعان ۇكىمەت» حالىققا 37 ميلليون قىزمەت ءتۇرىن كورسەتكەن. ونىڭ جارتىسىنان كوبى ەلەكتروندى تۇردە بەرىلدى. بۇگىندە جۇمىسپەن قامتۋ ورتالىعىنىڭ قىزمەتتەرىن دە وسى جەردە كورسەتۋ جوسپارلانىپ وتىر. بۇل ەكى قولعا ءبىر كۇرەك تاپپاي جۇرگەندەردىڭ جاعدايىن جاساۋعا باعىتتالعان.

 داۋرەن ابايەۆ، ق ر اقپارات جانە كوممۋنيكاتسيالار ءمينيسترى:

 - مىندەتتى الەۋمەتتىك مەديتسينالىق ساقتاندىرۋ ەنگىزىلگەندە، تەگىن قىزمەت الۋ ءۇشىن جۇمىسسىزدارعا تىركەلۋ قاجەت بولادى. سوندىقتان وسى جىلدىڭ سوڭى مەن كەلەر جىلدىڭ باسىندا حالىققا قىزمەت كورسەتۋ ورتالىقتارىنا ازاماتتار كوپتەپ اعىلادى دەگەن بولجام بار. سول سەبەپتى جۇمىسپەن قامتۋ ۇيىمدارىنىڭ قىزمەتكەرلەرى بۇل جەردە قىزمەت كورسەتۋگە دايىن بولۋى ءتيىس.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى