نۇرسۇلتان نازاربايەۆ ۇ ق ش ۇ- عا مۇشە مەملەكەتتەر باسشىلارىنىڭ بەيرەسمي كەزدەسۋىنە قاتىستى
كەزدەسۋگە ارمەنيا، بەلارۋس، قىرعىزستان، رەسەي، تاجىكستان پرەزيدەنتتەرى - سەرج سارگسيان، الەكساندر لۋكاشەنكو، المازبەك اتامبايەۆ، ۆلاديمير پۋتين، ەمومالي راحمون، سونداي- اق ۇ ق ش ۇ- نىڭ باس حاتشىسى مىندەتىن اتقارۋشى ۆالەري سەميريكوۆ قاتىستى.
بەيرەسمي كەزدەسۋ بارىسىندا ۇ ق ش ۇ- عا مۇشە مەملەكەتتەر باسشىلارى ۇيىمدى ودان ارى دامىتۋ جانە قاۋىپسىزدىكتى قامتاماسىز ەتۋ سالاسىنداعى ىنتىماقتاستىقتى نىعايتۋ ماسەلەلەرىن تالقىلادى. نۇرسۇلتان نازاربايەۆ ۇجىمدىق قاۋىپسىزدىك شارت ۇيىمىنا قاتىسۋشى ەلدەر ءۇشىن بيىل مەرەيتويلىق جىل ەكەنىن اتاپ ءوتتى. وسىعان وراي قازاقستان پرەزيدەنتى كەزدەسۋگە قاتىسۋشىلاردى شارتقا قول قويىلعانىنا 25 جىل تولۋىمەن قۇتتىقتاپ، ونىڭ ۇلتتىق جانە وڭىرلىك قاۋىپسىزدىكتى قامتاماسىز ەتۋدەگى، سونداي- اق ۇيىمعا مۇشە مەملەكەتتەردىڭ تۇتاستىعىن نىعايتۋداعى ماڭىزدىلىعىن ەرەكشە اتاپ ءوتتى.
سونىمەن بىرگە، مەملەكەت باسشىسى ۇ ق ش ۇ- نىڭ قاۋىپسىزدىك سالاسىنداعى باسقا دا حالىقارالىق ينستيتۋتتارمەن جانە ۇيىمدارمەن ءوزارا ءىس- قيمىلىنىڭ اياسىن كەڭەيتۋ ماسەلەسىنە قاتىسۋشىلار نازارىن اۋداردى. بۇدان بولەك، ۇيىم مۇشەلەرى قازىرگى زامانعى وڭىرلىك جانە جاھاندىق قاتەرلەرمەن كۇرەس جولىندا كۇش جۇمىلدىرۋ مۇمكىندىكتەرىن قاراستىردى. كەزدەسۋ سوڭىندا ۇيىمعا مۇشە مەملەكەتتەردىڭ باسشىلارى يۋري گريگوريەۆيچ حاچاتۋروۆتى ۇ ق ش ۇ- نىڭ باس حاتشىسى ەتىپ تاعايىندادى.
