ديماش قۇدايبەرگەن: قانداي ورىن السام دا ءوزىمدى جەڭىمپاز سانايمىن

 دەپ حابارلايدى قازاقپارات ءتىلشىسى.

 ارنايى تاقتاعا قولتاڭباسىن قالدىرعاننان كەيىن، جۇرگىزۋشىنىڭ فينالعا دايىندىعى تۋرالى سۇراعاندا، «اسسالاۋماعالەيكۇم! بارشالارىڭىزعا ۇلكەن راحمەت. وسى ورايدا سىزدەرگە تەك العىس بىلدىرە وتىرىپ، ساحنالىق ارىپتەسىم ءوزىن مويىنداتا بىلگەن ءانشى ەكەنىن جەتكىزگىم كەلەدى. مەنىمەن ساحنانى ءبولىسىپ، قولداپ، قولۇشىن بەرگەندەرىڭىز ءۇشىن ۇلكەن راحمەت ايتقىم كەلەدى»، - دەدى ديماش.

 NTES News ءتىلشىسىنىڭ «بايقاۋدان قانداي ورىن الۋدى قالايسىڭ» دەگەن سۇراعىنا:

 «مەنىڭ ويىمشا، قانداي دا ناتيجە بولماسىن، مەن قازىردىڭ وزىندە جەڭىمپازبىن. ويتكەنى مەنى قولداپ، ءارقاشاندا دەمەپ جۇرەتىن سىزدەر بارسىزدار. سىزدەر باردا مەن ءارقاشان جەڭىمپازبىن»، - دەپ جاۋاپ بەردى ديماش.

 شاڭ ۆەنجە تىلشىلەرگە ءوزىنىڭ وسى ساحنادا قانشاما ونەر كورسەتسە دە تاپ قازىرگى ساتتە قوبالجىپ تۇرعانىن جەتكىزدى. سونداي- اق، اقتىق باسەكەدە جاقسى ناتيجە الاتىنىنا سەنىمدى ەكەنىن ايتتى.

 ەسكە سالا كەتەيىك، «Singer 2017» بايقاۋىنىڭ اقتىق باسەكەسىن 15 - ءساۋىر كۇنى استانا ۋاقىتىمەن 20:00 (جەرگىلىكتى ۋاقىت 22:00) دە تىكەلەي ەفيردە كورسەتەدى. شەشۋشى باسەكەدە ديماش شاڭ ۆەنجەمەن بىرگە مايكل دجەكسوننىڭ «Earth song» جانە «Dangerous»  اندەرىن شىرقايدى.

 اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى