قازاقستان تەلەحيكايالارى قىرعىزستاندا كورسەتىلەدى

 بۇل تۋرالى «قازاقستان» ر ت ر ك سايتىندا حابارلاندى.

قۇجاتقا بىشكەكتە وتكەن «قازاقستان» ر ت ر ك» ا ق- نىڭ سەريالدىق ونىمدەرىن تانىستىرۋ اياسىندا قول قويىلدى. شارانىڭ ماقساتى - قازاقستان جانە قىرعىزستان اراسىندا مەنشىكتى كينو جانە تەلەحيكايا ونىمدەرىن دامىتۋ سالاسىنداعى ىنتىماقتاستىقتى ارتتىرۋ. ق ر ۇكىمەتىنىڭ قولداۋىمەن «قازاقستان» تەلەارناسى جىلدان- جىلعا وتاندىق تەلەحيكايالار ءوندىرىسىن ارتتىرىپ كەلەدى. 2009 -جىلى التى ءبولىمدى «اعايىندى» دراماسى ءوندىرىلدى. بۇگىنگى كۇنى «قازاقستان» تەلەراديوكورپوراتسياسى ءتۇرلى جانردا 62 تەلەحيكايا ءتۇسىرىپ، كورسەتتى. ولاردىڭ ىشىندە ەڭ تانىمالدارى - «اعايىندى»، «كوك تارلاندارى»، «سىرعالىم»، «اياۋلى ارمان»، «اكە»، «ىڭكار جۇرەك» جانە ت. ب.

 شاراعا قىرعىز رەسپۋبليكاسىنىڭ 14-تەن استام تەلەارناسى قاتىستى. قىرعىزستاندىق تەلەنارىققا شىعۋ «قازاقستان» ر ت ر ك» ا ق- نىڭ كينو جانە تەلەحيكايا ونىمدەرىن حالىقارالىق نارىققا شىعارۋداعى باستى باعىتتاردىڭ ءبىرى بولماق.

«قازاقستان» تەلەراديوكورپوراتسياسى ەلىمزدە تەلەسەريال ءوندىرۋ سالاسىندا كوشباسشى بولا وتىرىپ، حالىقارالىق تەلەۆيزيالىق نارىققا بەلسەندى قاتىسادى - كانن، ماسكەۋ، بۋداپەشت، بەرلين، سينگاپۋر، گونكونگ، پۋسان، سەۋل جانە ت. ب. اتقارىلعان جۇمىستار ناتيجەسىندە تەلەحيكايالاردى كورسەتۋ قۇقىعى ق ح ر، ا ق ش، رەسەي، تاتارستان، باشقۇرتستان، كيپر، سلوۆەنيا ەلدەرىنە بەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى