بۇرىنعى ءبىلىم جانە عىلىم ءمينيسترى «ۇستاز مارتەبەسى» تۋرالى زاڭ قابىلداۋدى ۇسىندى
مەگاپوليس باسشىسى باۋىرجان بايبەككە «ۇستازدار مارتەبەسى» تۋرالى قالالىق ءماسليحاتتا زاڭ قابىلدانۋىن، الماتى بويىنشا ۇستازداردىڭ مارتەبەسىن كوتەرۋگە جاعداي جاساۋ قاجەتتىگىن ۇسىندى، دەپ حابارلايدى قازاقپارات ءتىلشىسى.
«ەلباسى ءبىلىم سالاسىنىڭ دامۋىنا قاشان دا كوڭىل بولەدى. وسى ماقالاسىندا ەلباسى: «ءبىلىم ءاردايىم ءبىرىنشى ورىندا تۇرۋى شارت». سەبەبى، قۇندىلىقتار جۇيەسىندە ءبىلىمدى بارىنەن بيىك قويعان ۇلت قانا تابىسقا جەتەدى»، - دەيدى.
قالالىق ءماسليحات دەپۋتاتتارىنىڭ «ۇستاز مارتەبەسى» تۋرالى زاڭ قابىلداۋىنا باستاماشى بولۋىڭىزدى سۇرايمىن. بۇل قوعامدا قولداۋ تابار ەدى. وسىدان 25 جىل بۇرىن يۋنەسكو تاراپىنان «ۇستاز مارتەبەسى» تۋرالى ەرەجە قابىلدانعان بولاتىن. كوپتەگەن ەلدەر سودان كەيىن ارنايى زاڭ قابىلدادى. بىزدە جوق، ازىرشە، بۇل وتە كەرەك. سەبەبى، مەكتەپ - ۇلت بەسىگى. ونىڭ بابى بولۋى كەرەك، ونىڭ باپتى بولۋى ۇستازعا بايلانىستى»، - دەدى ءشامشا بەركىمبايەۆا.
سونىمەن قاتار، تانىمال ۇستاز، بۇرىنعى ءبىلىم جانە عىلىم ءمينيسترى ش. بەركىمبايەۆا ۇستاز مارتەبەسىن كوتەرۋگە قاتىستى بىرنەشە ۇسىنىس ايتتى.
«تاۋەلسىزدىك جىلدارىندا مەكتەپ ءومىرى، بالا تاربيەسى، ۇستاز ەڭبەگى، بالا تاربيەسىنە اتا- انانىڭ جاۋاپكەرشىلىگى تۋرالى بىردە- ءبىر كوركەم شىعارما، بىردە- ءبىر كوركەم فيلم بولمادى. مۇمكىن، بۇعان اكىمشىلىك تاراپىنان الەۋمەتتىك تاپسىرىس جاساۋ كەرەك شىعار. جاقسى ۇستازدار تۋرالى ەسسە، وچەركتەر ۇيىمداستىرىلىپ، ول «الماتى اقشامى» گازەتىندە ارنايى ايدارمەن شىعىپ تۇرسا، كەيىن جيناق ەتىپ شىعارساق»، دەگەن پەداگوگ عالىم قازاق مەكتەبىنىڭ تاريحىنا شولۋ جاسادى.
«قازاق مەكتەبى اۋىر جاعدايلاردى باسىنان وتكىزدى. وتكەن عاسىردا 900-گە جۋىق قازاق مەكتەبى جابىلدى. وسىنىڭ ءبارى ۇلتتىق سانامىزعا تۇسكەن سىزاتتار، ول ءالى كەتە قويعان جوق. تاۋەلسىزدىك جىلدارى 1300 مەكتەپ سالىنىپ، ولار نەگىزىنەن قازاق مەكتەبى بولىپ اشىلدى. سول كەزدەگى استانامىز الماتىدا 70 جىل بويى ءبىر عانا قازاق مەكتەبى بولدى. بۇگىندە ونىڭ سانى 70-كە جۋىقتاپ قالدى. بولاشاقتا 65 ارالاس مەكتەپتىڭ باسىم بولىگى قازاق مەكتەبى بولادى دەپ ۇمىتتەنەمىز»، - دەدى ءشامشا بەركىمبايەۆا.
قالا اكىمى باۋىرجان بايبەك ءشامشا بەركىمبايەۆا تاراپىنان ايتىلعان ۇسىنىستاردى قولدايتىنىن جەتكىزىپ، جاۋاپتى ازاماتتارمەن ايتىلعان پىكىرلەردى تاعى دا وي ەلەگىنەن وتكىزەتىنىن ايتتى.
اۆتور: الماس مۇقاش ۇلى
