قازاقستاندا جۇرگىزۋشى كۋالىگىن بەرۋدى باقىلاۋ كۇشەيتىلدى
بۇل تۋرالى ق ر ءى ءى م ا پ ك Facebook-تاعى پاراقشاسىندا جاريالادى، دەپ حابارلايدى «قازاقپارات» ح ا ا.
«قازىرگى تاڭدا ارنايى ح ق ك و- لاردىڭ جۇمىس تاجىريبەسىن ساراپتاي كەلە، جەمقورلىققا جول بەرمەۋ ماقساتىندا 25 اۋداندىق تىركەۋ-ەمتيحان تاپسىرۋ بولىمشەسىنىڭ جۇرگىزۋشى كۋالىگىن العاش الىپ وتىرعان جۇرگىزۋشىلەرمەن ەمتيحان قابىلداۋ جانە كۋالىك بەرۋ قۇقىعىن توقتاتۋ تۋرالى شەشىم قابىلدادى.
بۇل بولىمشەلەر ارنايى ح ق ك و- لارعا جانە ءى ءى ب ءىرى تىركەۋ-ەمتيحان بەكەتتەرىنە جاقىن ماڭدا ورنالاسقان. ال جۇرگىزۋشى كۋالىگى بار ازاماتتار بۇرىنعىشا اتالمىش بولىمشەلەردەن كۋالىك تەلنۇسقاسىن الۋلارىنا نەمەسە اۋىستىرۋعا بولادى»، - دەلىنگەن ۆەدومستۆونىڭ حابارلاماسىندا.
حابارلامادا اتالىپ وتكەندەي، جۇرگىزۋشى كۋالىگىن ءبىرىنشى رەت الاتىن ازاماتتار تەك ارنايى ح ق ك و- لاردان، قالالىق جانە ءىرى اۋدانارالىق تىركەۋ-ەمتيحان تاپسىرۋ بولىمشەلەرىنەن الا الادى.
«سونىمەن قاتار، ەمتيحاندى ارنايى كوميسسيا قابىلدايتىن بولادى. كوميسسيا قۇرامىنا قوعامداستىق وكىلدەرى مەن باسقا دا ءى ءى ب قىزمەتكەرلەرى كىرەدى»، - دەپ ءتۇسىندىردى ۆەدومستۆودا.
