بىردەن ءۇش قالىڭدىققا ۇيلەنگەن استانالىق جىگىت جۇرتتى تاڭعالدىردى - فوتو، ۆيدەو

«استانادا جۇمىستان قايتىپ بارا جاتىر ەدىم، وسىنداي ءبىر قىزىققا تاپ بولدىم. ءبىر ەركەك بىردەن ءۇش ايەل الىپ، وسىنداي توي بولىپ جاتىر. مۇندايدى ءبىرىنشى رەت كورىپ تۇرمىن، ءبىراق شىنىمەن توي سەكىلدى. ءبىر ەمەس، ءتورت جاس باقىتتى بولسىن دەپ تىلەيىك. مەن اڭ- تاڭمىن»، - دەيدى ۆيدەو اۆتورى.

«وتىرىك قوي، قويىلىم قويۋعا باسقا تاقىرىپ تاپپاي قالدىڭدار ما؟»، - دەپ كەي جەلى قولدانۋشىلارى سەنبەستىك ءبىلدىرىپ ەدى، وزگەلەر بۇل جايتتىڭ شىن بولعانىن العا تارتىپ، ءتىپتى تويدىڭ اساباسى دا ەرەكشە ۇيلەنۋ تويىنىڭ بولعانىن راستاپ ۇلگەردى.

«مىناۋ حالىق سەنبەي جاتىر كەشە سەن جۇرگىزدىڭ عوي تويدى، ءبىر اۋىز ءسوز ايتساڭشى»، - دەپ اساباعا ساۋال تاستادى جەلى قولدانۋشىلارىنىڭ ءبىرى.

سول ارادا اسابانىڭ پاراقشاسىندا تويدىڭ فوتوسى پايدا بولدى.

«بىردەن 3 ايەل العان جىگىتتىڭ تويىن 22 جاسىمدا جۇرگىزگەن قالاي كەتتى»، - دەپ جازعان ديدار ايمۇحان ەسىمدى اسابا ءوز پاراقشاسىندا.

«1 جىگىت 3 ايەل الدى، ەكسكليۋزيۆ تويدى دوسىم ديدار ايمۇحان وتكىزدى، نە دەيمىز، 4 جاس باقىتتى بولسىن»، - دەپ جازعان الىبەكوۆا شولپان ەسىمدى وزگە جەلى قولدانۋشىسى.

بۇل تويدىڭ راسىمەن بولعان-بولماعانى ازىرگە بەلگىسىز. پىكىر قالدىرۋشىلاردىڭ دەنى توي جارناما جاساۋ ماقساتىندا ادەيى ۇيىمداستىرىلعان دەگەن ويدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى