ديماشتىڭ جانكۇيەرلەرى ءانشىنىڭ تۋعان كۇنىنە توسىن سىي جاساماق
Guardians دەپ اتالاتىن قىتايلىق جانكۇيەرلەر توبى ديماشقا دەگەن قۇرمەتىن ونىڭ تۋعان كۇنى قارساڭىندا استاناداعى ۇلكەن LED ەكراندار ارقىلى جەتكىزبەك. ولاردىڭ ايتۋىنشا، بۇل شارا قازىرگى تاڭدا استاناداعى كورنەكتى LED ەكراندارمەن كەلىسىلىپ قويعان.
«ديماش قۇدايبەرگەنگە دەگەن قىتايلىق جانكۇيەرلەردىڭ ىقىلاسى شەكسىز. ونىڭ ونەرىن جوعارى باعالايدى. مەن دە ۆەيبو جەلىسىندە قۇرىلعان Guardians جانكۇيەرلەر توبىنىڭ مۇشەسىمىن. سونداعى فاناتتاردىڭ ۇسىنىسىمەن ديماشتىڭ تۋعان كۇنىندە قازاقستان استاناسىنداعى ۇلكەن ەكراندار ارقىلى قۇتتىقتاۋ جولداۋدى شەشتىك. مەن استاناداعى ەڭ كورنەكتى LED ەكرانداردىڭ بارىمەن كەلىسىپ قويدىم. وندا ديماشتى قۇتتىقتاعان ارنايى بەينەروليك كۇنى بويى اينالىپ تۇراتىن بولادى. بۇل ديماشتىڭ ونەرىن باعالايتىن جانداردىڭ سىيلىعى دەپ بىلەرسىزدەر» ، - دەيدى ە ۇ ۋ- دىڭ ستۋدەنتى اقەدىل نۇربولات ۇلى.
ەسكە سالا كەتەيىك، ديماش «Singer» بايقاۋىنداعى ەرەكشە تالانتىمەن كوزگە ءتۇسىپ، قىتايدا ەرەكشە تانىمالدىلىققا يە بولدى. جاس تالانت 23 - ناۋرىز كۇنى شاڭحاي قالاسىندا 24-كەزەكتى «China Top music Awards» شاراسىنىڭ «ازيانىڭ ەڭ تانىمال ءانشىسى» (Best Asia popularsinger) نوميناتسياسى بويىنشا، 9 - ءساۋىر كۇنى شىنجىن قالاسىندا وتكەن «17th Top China Music Awards» شاراسىندا «حالىقارالىق دارەجەدەگى تانىمال ءانشى» نوميناتسياسى بويىنشا ماراپاتتالدى.
اۆتور: ريزابەك نۇسىپبەك ۇلى
