اقمولا تۇرعىنى تانكىگە قارسى قولدانىلاتىن ەكى مينانى پوليتسياعا تاپسىردى

پوليتسەيلەردىڭ مالىمەتى بويىنشا، اعىمداعى جىلدىڭ 10-ساۋىرىنەن باستاپ وبلىس اۋماعىندا تۇرعىنداردان قارۋ ساتىپ الۋ اكسيا وتۋدە.

اتالمىش اكسيا شەڭبەرىندە كوكشەتاۋ قالاسىنىڭ 42 جاستاعى تۇرعىنى تانكىگە قارسى قولداناتىن ت م - 57 جانە و ز م- 72 ماركالى ەكى مينانى تاپسىرعان.

تۇرعىننىڭ ايتۋىنشا، اسكەري جارىلعىش زاتتى ول كوكشەتاۋ قالاسىنىڭ ىرگەسىندەگى ەلدى مەكەندەردىڭ بىرىندە مەتال جيناپ جۇرگەنىندە تاۋىپ العان. كەيىن وبلىس اۋماعىندا تۇرعىنداردان قارۋ ساتىپ الۋ اكسياسى ءوتىپ جاتقانىن ەستىگەندىكتەن پوليتسياعا حابارلاسىپ، تاپسىرعان.

«قازىرگى كەزدە، مينانىڭ ەكەۋى دە ساراپتاماعا جىبەرىلدى. اتالعان جارىلعىش زات ءۇشىن تۇرعىن ءتيىستى قارجىلاي سىياقىسىن الاتىن بولادى»، - دەپ كورسەتىلگەن حابارلامادا.

ەسكە سالا كەتەيىك، اكسيا باستالعان العاشقى ەكى كۇن ىشىندە اقمولالىق پوليتسەيلەر تۇرعىنداردان بارلىعى 96 قارۋ ساتىپ العان. ونىڭ اراسىندا 88 تەگىس ۇڭعىمالى، 8 شولاق مىلتىق بار جانە 11599 وق-ءدارى بار.

اتالمىش اكسيانى وتكىزۋگە 14,5 ميلليون تەڭگەگە جۋىق قارجى بولىنگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى