لاتىن الىپبيىنە كوشۋ شۇبار تىلدەن ارىلۋعا مۇمكىندىك بەرەدى - ج. تەبەرىكوۆ
«بۇگىنگى جاھاندانۋ زامانىندا تورتكۇل دۇنيەنىڭ بارلىق سالاسىندا كۇندەلىكتى وزگەرىستەر بولىپ جاتقانىنا بارشامىز كۋامىز. سىناپتاي سىرعىپ ءوتىپ جاتقان ءومىرىمىزدىڭ كەزەك كۇتتىرمەيتىن ماسەلەسى ەلباسىنىڭ 2012 -جىلعى جەلتوقساندا جاريا ەتكەن «قازاقستان-2050» ستراتەگياسىنداعى «2025 -جىلدان باستاپ لاتىن الىپبيىنە كوشۋگە كىرىسۋىمىز كەرەكتىگى» تۋرالى مالىمدەمەسى بولاتىن.
كەشە عانا ەلباسى «بولاشاققا باعدار: رۋحاني جاڭعىرۋ» اتتى ماقالاسىندا ۇكىمەتكە قازاق ءتىلىن لاتىن الىپبيىنە كوشىرۋدىڭ ناقتى كەستەسىن جاساۋدى جانە 2017 -جىلدىڭ اياعىنا دەيىن عالىمداردىڭ كومەگىمەن، بارشا قوعام وكىلدەرىمەن اقىلداسا وتىرىپ، قازاق ءالىپبيىنىڭ جاڭا گرافيكاداعى ءبىرىڭعاي ستاندارتتى نۇسقاسىن قابىلداۋدى تاپسىردى.
قازاق جازۋىن لاتىن الىپبيىنە كوشىرۋ رۋحاني ومىرىمىزدەگى ەلەۋلى وقيعالاردىڭ ءبىرى بولعالى وتىر. لاتىن ءالىپبيىن قازىرگى زاماندا الەم جۇرتشىلىعىنىڭ 70 پايىزعا جۋىعى قولدانۋدا. بۇكىل دۇنيەجۇزىلىك قاۋىمداستىقتىڭ كوپشىلىگىمەن ەركىن قارىم-قاتىناس جاساپ، الەمدىك اقپاراتتىق كەڭىستىككە كەڭ جول اشۋىمىزعا مۇمكىندىك بەرەدى».
سونداي اق زەينەتكەردىڭ پىكىرىنشە، لاتىن الىپبيىنە كوشۋ شۇبار تىلدەن ارىلۋعا، تۇركى الەمىنىڭ جازۋ جۇيەسىندە جانە الەمدىك اقپاراتتى الماسۋدا بىرىزدىلىكتى ساقتاۋعا مۇمكىندىك بەرەدى. بۇل شارا جالپى حالىقتىق ءىس، كەرەك دەسەڭىز ۇلتتىق ماسەلە ەكەنىن بارشامىز ءتۇسىنىپ، ءار قازاقستاندىق ءوز ۇلەسىن قوسۋعا ءتيىس. ءارقايسىمىزدىڭ وتانسۇيگىشتىگىمىز، تىلىمىزگە دەگەن قۇرمەت ناق وسىنداي كيەلى ىستە كورىنىس تابارى انىق، دەيدى زەينەتكەر.
اۆتور: سامال قابىشەۆا
