زاڭسىز قىزمەت ەتكەن ءتورت مەدرەسە جابىلدى

بۇل تۋرالى قىرعىز مۇسىلماندارى ءدىني باسقارماسى وكىلى كۋشتاربەك ماماتوۆ مالىمدەدى، دەپ حابارلايدى muslim.kz.

ونىڭ ايتۋىنشا، اتالعان وقۋ ورىندارى بالالارعا ءبىلىم بەرەتىن تالاپ-شارتتاردى ساقتاماستان جانە زاڭدىق رۇقسات قۇجاتىنسىز جۇمىس ىستەگەن. ولاردىڭ وقۋ ۇدەرىسى مەشىت عيماراتتارىندا جۇرگىزىلگەن.

«ءبىز وسىعان دەيىن ولاردى تەكسەرىپ، ەسكەرتۋ جاسادىق. مەدرەسەلەردىڭ ارنايى عيماراتتارى بولماعان، مەشىتتە ساباق جۇرگىزگەن. ءبىز ولارعا زاڭ نورمالارىن ءتۇسىندىرىپ، ەرەجەلەردى كورسەتتىك»، - دەيدى ك. ماماتوۆ.

بۇعان دەيىن بىشكەك قالاسى ىشكى ىستەر دەپارتامەنتى، كامەلەتتىك جاسقا تولماعان بالالار ءىسى جونىندەگى ينسپەكتسيا، مۋفتيات، اۋدان اكىمدىگى مەن باسقا دا مەملەكەتتىك ورگان وكىلدەرىنەن تۇراتىن كوميسسيا ءدىني ءبىلىم بەرۋ مەكەمەلەرىن ارالاعان. تەكسەرىس ناتيجەسىندە ءبىرقاتار مەدرەسەلەردە تەحنيكالىق قاۋىپسىزدىك ەرەجەلەرى مەن سانيتارلىق نورمالاردىڭ ساقتالماعانى انىقتالدى.

رەسمي دەرەكتەرگە سۇيەنسەك، قازىرگى كۇندە قىرعىزستاندا 102 مەدرەسە بار. ولاردىڭ باسىم بولىگى تىركەۋدەن وتكەن جانە قىزمەتىن زاڭ اياسىندا جۇرگىزىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى