قازاقستان مەن ا ق ش- تىڭ اسكەري ينجەنەرلەرى بىرلەسكەن جاتتىقتىرۋلار وتكىزەدى
ەكى ەلدىڭ ماماندارى قازاقستان قارۋلى كۇشتەرىنىڭ ميناسىزداندىرۋ ورتالىعى مەن «بەرەگ» وقۋ- جاتتىعۋ ورتالىعىن دامىتۋعا قاتىستى وي- پىكىرلەرىمەن ءبولىستى، دەپ حابارلايدى ەلىمىزدىڭ قورعانىس مينيسترلىگىنىڭ باسپا ءسوز قىزمەتى.
سونداي- اق، اتالمىش سالادا اقپاراتتىق، ادىستەمەلىك جانە وقۋ- ماتەريالدىق بازانى جەتىلدىرۋ اياسىندا ەكىجاقتى ىنتىماقتاستىق ماسەلەلەرىن كەلىستى. سونىمەن بىرگە، تاراپتار جەردى تازالاۋ، قاۋىپتى جارىلعىش زاتتار مەن قولدان جاسالعان جارىلعىش قۇرىلعىلارعا قارسى تۇرۋ تاقىرىبى بويىنشا دايىندىق ادىستەمەسىن ازىرلەۋ بويىنشا نۇسقاۋشىلار مەن مامانداردى وقىپ- ۇيرەتۋ قاجەتتىلىگى ماسەلەلەرىندە ورتاق پىكىرگە كەلدى.
قازىرگى ۋاقىتتا قازاقستان قارۋلى كۇشتەرى ينجەنەرلىك اسكەرلەرىنىڭ اسكەري قىزمەتشىلەرىن ا ق ش قارۋلى كۇشتەرىنىڭ وقۋ- جاتتىعۋ ورتالىقتارىنا وقۋعا جىبەرۋ، سونداي- اق، بىرلەسكەن ساباقتار مەن جاتتىعۋلاردى وتكىزۋ ءۇشىن ەكى ەلدىڭ نۇسقاۋشىلارىن تارتۋ بويىنشا ۋاعدالاستىق ازىرلەنۋدە. قوسىمشا ق ر ق ك ميناسىزداندىرۋ ورتالىعىنىڭ كينولوگيالىق قىزمەتىن دامىتۋ جونىندە پوزيتسيالار ازىرلەنۋدە.
