ۇلتتىڭ رۋحانياتىن جاڭعىرتۋعا ۇلتتىق ينتەللەگەنتسيانىڭ جۇمىلا كىرىسكەنى دۇرىس - ەسەنعالي راۋشانوۆ
«1961 - جىلى مۇحتار اۋەزوۆتىڭ «جىل كەلگەندەي جاڭالىقتى سەزەمىز» اتتى ماقالاسى جارىققا شىقتى. ول قازاق رۋحانياتىنا ۇلكەن سەرپىلىس اكەلگەن تۋىندى بولاتىن. پرەزيدەنتىمىز ەلباسى نۇرسۇلتان نازاربايەۆتىڭ كەشەگى ماقالاسى تۋرا سونداي ۇلتتىق رۋحتى جەلپىندىرگەن، ۇلتتىق رۋحتى وياتقان، العا قادام باستىراتىن ەل ومىرىندەگى ەلەۋلى وقيعا بولدى دەپ ەسەپتەيمىن»، - دەدى اقىن ەسەنعالي راۋشانوۆ.
سونىمەن قاتار، ول ەلباسى ماقالاسىندا كوتەرىلگەن قازاقستان جازۋشىلار وداعى مەن ۇلتتىق عىلىم اكادەمياسىنا قاتىستى ءوز پىكىرىن ءبىلدىردى.
«قازاقستان جازۋشىلار وداعى مەن ۇلتتىق عىلىم اكادەمياسىنىڭ جۇمىسىن باياعىدا جاقسارتۋ كەرەك ەدى. ەكى مەكەمەنىڭ جۇمىسى سىن كوتەرمەيدى. پرەزيدەنت سونى اڭعارىپ وتىر. قالاي بولعان جاعدايدا دا، ۇلتتىڭ رۋحانياتىن جاڭعىرتۋعا ۇلتتىق ينتەللەگەنتسيا جۇمىلا كىرىسكەنىن ءبىز دۇرىس كورەر ەدىك»، - دەدى ەسەنعالي راۋشانوۆ.
ايتا كەتەيىك، بۇگىن الماتىدا زيالى قاۋىم وكىلدەرى كەشە، 12 -ءساۋىر كۇنى «ەگەمەن قازاقستان» رەسپۋبليكالىق گازەتىندە جاريالانعان ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىن تالداۋعا ارنالعان دوڭگەلەك ۇستەل باسىندا جينالدى.
اۆتور: الماس مۇقاش ۇلى
