ايماقتارعا «سالاماتتى قازاقستان» ساپارعا شىقتى
دارىگەرلەر بريگاداسىنىڭ قۇرامىندا تەراپيەۆت، پەدياتر، نيەۆروپاتولوگ، وكۋليست، لور، گينەكولوگ، حيرۋرگ، ۋرولوگ، ماممولوگ، ستوماتولوگ سياقتى بىلىكتى ءبىرىنشى جانە جوعارى دارەجەلى ماماندارى بار.
مەديتسينالىق پويىز قىزمەتتەرىن قازاقستاننىڭ شالعايداعى ەلدى مەكەندەرىنىڭ مەديتسينالىق كومەككە مۇقتاج تۇرعىندارى، تەمىرجول قىزمەتكەرلەرى مەن زەينەتكەرلەر جانە ولاردىڭ وتباسى مۇشەلەرى پايدالانۋعا مۇمكىندىكتەرى بار، دەپ حابارلايدى«قازاقستان تەمىر جولى» ۇ ك» ا ق باسپا ءسوز قىزمەتى.
پويىزدىڭ باس دارىگەرى ارمان ابىشيەۆتىڭ ايتۋىنشا، جەزقازعان ستانتسياسىندا قازىردىڭ وزىندە جەرگىلىكتى تۇرعىنداردى قابىلداپ جاتىر. «ق ت ج» ۇ ك» ا ق الەۋمەتتىك جوبالار قورى ۇجىمدىق قورىنىڭ ديرەكتورى ەربول كەڭگىربايەۆ مەديتسينالىق پويىزدار جۇمىسىن ۇيىمداستىرۋ بارىسىنا تولىق توقتالىپ كەتتى.
«ق ت ج قاي وبلىستاردا جانە مەديتسينالىق پويىزداردىڭ قانشالىقتى، قاي ۋاقىتتا بولعانىنا تالداۋ جۇرگىزەدى. ءار مەديتسينالىق پويىز كوپ بەيىندى مامانداندىرىلعان كونسۋلتاتيۆتىك- دياگنوستيكالىق كومەك كورسەتۋ ءۇشىن ارنايى جابدىقتالعان، سونداي-اق مەديتسينالىق پەرسونالدىڭ تۇرۋىنا ارنالعان سەگىز ۆاگوننان تۇرادى.
مەديتسينالىق پەرسونال مەن پويىز بريگاداسىنا ارنالعان ەكى ۆاگون- كۋپەدە اۋا باپتاعىشتار، تەلەديدارلار، توڭازىتقىشتار، سەبەزگى، بيو-دارەتحانالار مەن كىر جۋۋ ورنى ورناتىلعان. سونداي- اق ۆاگون- رەستوران مەن ۆاگون- ديزەلدى گەنەراتورى بار. ونىڭ كۇشى ت ج جاعدايىندا شاعىن تۇرعىلىقتى ەلدى مەكەندەرگە جارىق بەرۋگە جەتكىلىكتى.
قالعان ءتورت ۆاگون تەك حالىقتى قابىلداۋعا جانە مەديتسينالىق كومەك كورسەتۋگە ارنالعان. بۇل جاعدايدا دارىگەرلەرگە ارنالعان جايلى ۆاگوندار، پويىزداردىڭ جولدا جىلىنا 300 كۇن بولۋىنا وراي جابدىقتالعان»، - دەيدى ول.
«Samruk-Kazyna Trust» الەۋمەتتىك جوبالاردى دامىتۋ قورىنىڭ باسقارۋشى ديرەكتورى ليما دياستىڭ ايتۋىنشا، جوبانىڭ ارقاسىندا ستانسيالار مەن ولارعا ىرگەلەس جاتقان ەلدى مەكەندەردىڭ حالقى اۋرۋلاردىڭ الدىن الۋ ءۇشىن مەديتسينالىق تەكسەرۋدەن وتەدى، قاجەتتى العاشقى كومەك، كاسىبي كونسۋلتاتسيا مەن ءارى قاراي ەمدەلۋ ءۇشىن جاقىن ورنالاسقان مەديتسينالىق ورتالىقتارعا جولدامالار الادى.
بۇدان بۇرىن ەلباسىمىز مەديتسينالىق پويىزداردىڭ جۇمىسىن جوعارى باعالاپ، كولىكتىك مەديتسينالىق قىزمەت كورسەتۋدىڭ وزەكتىلىگىن باسا اتاپ وتكەن بولاتىن. قازاقستان» مەديتسينالىق پويىزى قاراعاندى قالاسىنان اتتانادى جانە ول بيىل 11 -ساۋىردەن باستاپ 6 -قاراشا ارالىعىندا ورتالىق، سولتۇستىك، شىعىس وڭىرلەرىنىڭ قالالارى مەن كەڭشارلارىنا بارادى. قازاقستاننىڭ وڭتۇستىك جانە باتىس وڭىرلەرىنىڭ حالقى بيىل 18 -ساۋىردەن باستاپ 20 -جەلتوقسان ارالىعىندا الماتى-1 ستانتسياسىنان شىعاتىن «دەنساۋلىق» پويىزىنىڭ جوعارى بىلىكتىلىكتى مەديتسينالىق كومەگىن الا الادى.
اتاپ وتەرلىگى، «سالاماتتى قازاقستان»، «جاردەم»، «دەنساۋلىق» مەديتسينالىق پويىزدارى «ق ت ج» ۇ ك» ا ق، ق ر ىشكى ىستەر مينيسترلىگى، «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن ۇيىمداستىرىلىپ كەلەدى.
