ەلىمىزدىڭ كەدەندىك باقىلاۋ قىزمەتتەرىندەگى كەدەرگىلەر جويىلماق

 قارجى مينيسترلىگى ايتىلعان ولقىلىقتى جويۋ ماقساتىندا جوسپارداعى جۇمىسىن باياندادى. بىلتىر، كەدەندىك راسىمدەردى جەڭىلدەتۋ، سىرتقى ەكونوميكالىق قىزمەت مۇشەلەرىنە، ورتا جانە شاعىن بيزنەس وكىلدەرىنىڭ وڭتايلى جۇمىس جاساۋىنا جاعداي جاساۋ قولعا الىنىپتى. ناتيجەسىندە، ەلگە ترانزيتپەن وتكەن كولىك سانى 2015 -جىلعا قاراعاندا 13 پايىزعا ارتىپتى. ال، وتكەن جىلى سالىقتان تۇسكەن كىرىس كولەمى ءبىر تريلليوننان اسقان. الايدا، كەدەندىك راسىمدەۋ مەن باقىلاۋ پروتسەستەرى ءالى ءبىر جۇيەگە تۇسپەي وتىرعان كورىنەدى.

 «ەگەر بىرەۋ جۇمىستى 5 مينۋتتا بىتىرسە، مەن ءبىر كۇن ءجۇرۋىم مۇمكىن. ناتيجەسى ءبىر. وسىعان وراي، ۇكىمەتتىڭ قاتاڭ تاپسىرماسى بار. ءبىز بىرىككەن ۇلتتار ۇيىمىمەن وتكەن جىلدىڭ سوڭىندا كەلىسىم- شارتقا وتىرعان بولاتىنبىز. ياعني، ءبىر تەرەزە جۇيەسىن تۇبەگەيلى ورناتۋ جوسپارلاندى. بارلىق جۇمىس اۆتوماتتاندىرىلعان قالىپتا ىسكە اساتىن بولادى»، - دەدى ق ر قارجى مينيسترلىگى م ك ك ءتوراعاسىنىڭ ورىنباسارى، عۇسمان ءامرين.

 كىرىستەر كوميتەتىنىڭ باسشىلىعى الداعى ۋاقىتتا كەدەندىك جانە سالىقتىق قىزمەتتەردى رەتتەيتىن ەلەكتروندىق فورماتتاعى «استانا-1» اقپاراتتىق جۇيەسى قۇرىلادى دەدى. ازىرگە پيلوتتىق جوبا ەلىمىزدىڭ بارلىق ايماقتارىندا سىنالىپ جاتىر. ەگەر، جوبا جەمىسىن بەرسە، ءبىر تەرەزە جۇيەسى ارقىلى وتەتىندىكتەن ساۋدا- ساتتىق اشىق بولماق. ايتا كەتەيىك، جوباعا سالىقتىق تولەمدەردى تەزدەتۋ ءۇشىن 20-عا جۋىق بانك تارتىلعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى