وتاندىق مۇناي ونىمدەرىنىڭ ساپاسى ارتتى
ەلىمىزدەگى ءۇش بىردەي مۇناي وڭدەۋ زاۋىتىن جاڭعىرتۋدان كەيىن وسىنداي مۇمكىندىككە قول جەتكىزىلەدى. بۇل تۋرالى ق ر ەنەرگەتيكا ءمينيسترى مالىمدەدى.
قانات بوزىمبايەۆ شىمكەنتتەگى قارا التىن وڭدەۋ زاۋىتىن جاڭعىرتۋ بارىسىمەن تانىستى. قازىر ءبىرىنشى كەزەڭى بويىنشا جەڭىل بەنزين فراكسيالارىن يزومەرلەۋ بولىگىنىڭ قۇرىلىسى اياقتالدى. ناتيجەسىندە كاسىپورىن شىلدەدە ەۋرو-4 جانە ەۋرو-5 ستاندارتىنا ساي بەنزين وندىرە باستايدى.
ەندى مۇنايدىڭ قۇرامىنداعى شيكىزاتتاردى ءبولىپ الۋ پروتسەسىن جەتىلدىرۋ ءۇشىن تىڭ تەحنولوگيالار ەنگىزىلمەك. قوسىمشا 27 مىڭ توننا اۆيا وتىن ءوندىرۋ جوسپاردا بار. ىشكى نارىقتى قامتۋ ءۇشىن اي-80 ماركالى بەنزين دە شىعارىلماق.
قانات بوزىمبايەۆ، ق ر ەنەرگەتيكا ءمينيسترى:
- ەگەر جاڭعىرتۋ جۇمىستارىن بىتىرسەك، كەلەسى جىلدان باستاپ، ارتىعىمەن 2 مىڭ توننادان استام 92-ماركالى بەنزين شىعارامىز. سوسىن ەكسپورتتى باستايمىز. جالپى ورتالىق ازيا مەن اۋعانستاندى ديزەل وتىنىمەن دە قامتاماسىز ەتە الامىز.
بولات ابدۋاليەۆ، مۇناي وڭدەۋ زاۋىتىنىڭ مەنەدجەرى:
- ەڭ بىرىنشىدەن، زاۋىتتان شىعىپ جاتقان ونىمدەردىڭ ساپاسى جوعارىلايدى. بۇل ەكولوگيالىق ساپا ءبارىمىزدىڭ دەنساۋلىعىمىز ءۇشىن ماڭىزدى. ەكىنشىدەن، كەلەسى كەزەڭدى ىسكە قوسقاننان كەيىن 1 ليتر مۇنايدان الىناتىن بەنزين مولشەرى كوبەيەدى.
www.khabar.kz
