يراننىڭ بۇرىنعى پرەزيدەنتى احمادينەجاد پرەزيدەنت سايلاۋىنا كانديدات بولىپ تىركەلدى

پرەزيدەنتتىككە كانديداتتاردى تىركەۋ 11-15 - ءساۋىر ارالىعىندا وتكىزىلەدى.

يراننىڭ رۋحاني كوسەمى اياتوللا ءالي حامەنەي وتكەن جىلى احمەدينەجادقا پرەزيدەنت سايلاۋىنا تۇسپە دەگەن. احمەدينەجاد بۇعان دەيىن ەكى مەرزىم - 2005-2013 -جىلدارى يران پرەزيدەنتى بولعان.

يران ب ا ق- تارى احمەدينەجادتىڭ جاقىن سەرىگى، بۇرىنعى ۆيتسە- پرەزيدەنت حاميد باگحەيدىڭ دە پرەزيدەنتتىككە تىركەلگەنىن حابارلادى.

احمەدينەجاد وتكەن اپتادا پرەزيدەنتتىك سايلاۋعا تۇسپەيتىنىن، باگحەيدى قولدايتىنىن مالىمدەگەن ەدى. باگحەي 2015 -جىلى بەلگىسىز ايىپتەرمەن بىرنەشە اي تۇرمەدە وتىرعان.

 پرەزيدەنتتىككە كانديداتتاردى ىقپالدى كونسەرۆاتور ءدىني قايراتكەرلەردەن قۇرالعان قاداعالاۋ كەڭەسى تەكسەرەدى. كەڭەس سايلاۋعا ليبەرالدىق كانديداتتاردى، رەفورماتورلار مەن ايەلدەردى قاتىستىرمايدى. رەسمي IRNA اگەنتتىگى كەشە ماقۇلدانعان كانديداتتار ءتىزىمىن ىشكى ىستەر مينيسترلىگى 26-27 - ساۋىردە جاريالايتىنىن حابارلادى.

http://www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى