مۇعالىمدەردى شەتەلدە دەمالدىرىپ، باسپانامەن قامتۋ جايىن قولعا الۋىمىز كەرەك - جانسەيىت تۇيمەبايەۆ
بۇل تۋرالى ءبىلىم ماسەلەلەرىنە ارنالعان ونلاين- سەلەكتورلىق كەڭەس بارىسىندا وبلىس اكىمى جانسەيىت تۇيمەبايەۆ اتاپ ءوتتى.
وڭتۇستىك قازاقستان وبلىسىندا 1800-دەي ءبىلىم سالاسى قىزمەتكەرلەرى مەن قالا- اۋدان اكىمدىكتەرى باسشىلارىنىڭ قاتىسۋىمەن وتكەن القالى جيىندا ءبىلىم سالاسىنداعى رەفورمالار مەن ورتا ءبىلىم بەرۋ ساپاسى، مەكتەپكە دەيىنگى تاربيە مەن وقىتۋ ماسەلەلەرى ءسوز بولدى، دەپ حابارلايدى قازاقپارات ح ا ا ءتىلشىسى.
وبلىستا بۇگىنگى تاڭدا مەكتەپتەر مەن كوللەدج، تەحنيكۋمداردا ءدارىس بەرەتىن 76 مىڭ ۇستاز بار.
«وبلىستا بۇگىنگى تاڭدا مەكتەپتەر مەن كوللەدجدەردە ءدارىس بەرەتىن 76 مىڭ ۇستاز بار ەكەن. سوندىقتان، ءبىز ۇستاز مارتەبەسىن كوتەرىپ، ونىڭ الەۋمەتتىك جاعدايىنا دەيىن كوڭىل ءبولىپ، قولداۋ كورسەتۋىمىز قاجەت. ياعني، ولاردى شەتەلدە دەمالدىرۋ ءۇردىسىن جالعاستىرىپ، باسپانامەن قامتۋ جايىن قولعا الۋىمىز كەرەك. ويتكەنى مۇعالىمدەردىڭ جاعدايىن جاقسارتپايىنشا، جاقسى ناتيجەگە قول جەتكىزۋ مۇمكىن ەمەس»، - دەدى ج. تۇيمەبايەۆ.
ءوڭىر باسشىسىنىڭ ايتۋىنشا، مۇعالىمگە كورسەتىلگەن كومەك - بولاشاققا جاسالعان قامقورلىق.
جيىندى قورىتىندىلاعان ايماق باسشىسى، اۋدان، قالالارداعى ءبىلىم بولىمدەرىنىڭ باسشىلارىنا جۇمىستى جانداندىرىپ، قولعا الۋدى تاپسىردى. بۇدان بىلاي اتالعان سالاداعى ءتارتىپتىڭ قاتاڭ بولاتىنىن ەسكەرتكەن ايماق باسشىسى وبلىس بويىنشا مەكتەپتەردىڭ رەيتينگىن جاريالاۋدى تاپسىردى.
سونداي- اق ماجىلىستە مەكتەپكە دەيىنگى تاربيە مەن وقىتۋ جانە ورتا ءبىلىم بەرۋ ساپاسىنا قاتىستى ءسوز سويلەگەن وبلىس اكىمىنىڭ ورىنباسارى ۇلاسبەك سادىبەكوۆ ءبىلىم بەرۋ ساپاسىن ارتتىرۋ ماقساتىندا شەشىمىن تابۋدى قاجەت ەتەتىن ءبىرقاتار ماسەلەلەردى اتادى. ونىڭ سوزىنشە، وڭىردە ءبىلىم سالاسى بۇدان بىلاي قاتاڭ باقىلاۋدا بولادى. جوعارى ساپالى ءبىلىم بەرەتىن 10 مەكتەپ انىقتالىپ، سول وقۋ ورىندارىندا كەڭەيتىلگەن سەمينارلار وتكىزىلەدى. العاش بولىپ تىزگىندى «التىن بەلگى» سانى بويىنشا وبلىستا ءبىرىنشى ورىندى يەلەنىپ جۇرگەن ماقتاارال اۋدانىنداعى باۋىرجان مومىش ۇلى اتىنداعى مەكتەپ- گيمنازيا قولعا الماق.
اۆتور: اينۇر اقبايەۆا
