قىتاي ينۆەستورلارى قازاقستاندىق كومپانيانى ساتىپ الادى
بۇگىن ق ر پرەمەر- ءمينيسترىنىڭ ءبىرىنشى ورىنباسارى اسقار ءماميننىڭ قاتىسۋىمەن СМСقىتاي مەملەكەتتىك كومپانياسى «AllurGroup» قازاقستاندىق ءوندىرۋشىنىڭ كاپيتالىنا كىرۋ تۋرالى جانە قاراپايىم اكسيالارىنىڭ 51 پروتسەنتىن ساتىپ الۋ تۋرالى نوبايلى كەلىسىمگە قول قويىلدى. ستراتەگيالىق قۇجاتقا СМС پرەزيدەنتى Wang Xusheng مەن «AllurGroup» اكسيونەرى ءارى ديرەكتورلار كەڭەسىنىڭ مۇشەسى يۋري سحاي قول قويدى.
تاراپتاردىڭ ايتۋىنشا، كاپيتالعا كىرۋ ارقىلى جاڭا فورماتتا ستراتەگيالىق ىنتىماقتاستىقتى نىعايتۋ جوسپارلانعان بارلىق جوسپارلاردى جۇزەگە اسىرۋعا مۇمكىندىك بەرەدى. СМС وندىرىستىك سەرىكتەسى اتاپ وتكەنىندەي، «AllurGroup» كومپانياسى ينۆەستيتسيالار ءۇشىن تارتىمدى كاسىپورىن بولىپ وتىر جانە قازاقستاننىڭ اۆتوكولىك ونەركاسىبىن دامىتۋدا جوعارى الەۋەتكە يە.
قازاقستاندىق تاراپتىڭ سوزىنشە، بۇل سەرىكتەستىك كاسىپورىننىڭ جاڭا دامۋ دەڭگەيىنە جوعارىلاۋىنا مۇمكىندىك بەرەدى. قوستاناي زاۋىتى جاڭا تەحنولوگيالاردى ەنگىزۋگە قۇلىقتى.
«باستاپقى كەزەڭدە ءبىز كولىك قۇراستىرۋ بارىسىندا تەك ونى جيناۋمەن اينالىساتىن ەدىك، كەيىن دانەكەرلەۋ جانە بوياۋ جۇمىستارىن ءوزىمىز اتقاراتىن بولدىق. ەندى كولىك شىعارۋدا ودان دا تەرەڭ دەڭگەيگە ءوتۋىمىز كەرەك، ياعني كولىك بولشەكتەرىن ءوزىمىز، ءوز جەرىمىزدە شىعارۋىمىز ءتيىس. مۇندا تەحنولوگيالار بويىنشا ءبىراز قيىندىقتار بار. سوندىقتان ءبىز قىتايلىق كومپانيانىڭ كومەگىن سۇراپ وتىرمىز. مەنىڭشە، وسى قۇراممەن ءبىز وتاندىق كولىكتەردى ەكسپورتقا شىعارۋ بويىنشا جۇمىستى جەدەلدەتە الامىز. كەلەسى كەزەڭ - تەحنولوگيالار مەن قارجى. وسىنىڭ بارلىعى قىتاي تاراپىنان بولادى»، - دەپ اتاپ ءوتتى تىلشىلەرگە بەرگەن سۇحباتىندا سحاي.
كەلىسىم سوماسى تۋرالى ناقتى شەشىم مەن ستراتەگيالىق جوسپار ەكى ايدان سوڭ انىقتالادى. قىتايلىق كومپانيا كاپيتالعا جىل سوڭىنا دەيىن ەنۋى ءتيىس. وسى كەزەڭنىڭ وزىندە قىتايلىق ينۆەستورلار ورتالىق ازيا ەلدەرىن، رەسەي، بەلارۋس نارىقتارىن جاۋلاپ الۋدى كوزدەپ وتىر.
سحايدىڭ سوزىنشە، كومپانيادا جۇمىس ىستەيتىن قىزمەتكەرلەردىڭ 90 پروتسەنتىن قازاقستاندىق ازاماتتار قۇراماق، قىتايلىقتار تەك توپ- مەنەدجەرلىك لاۋازىمدارعا كەلۋى مۇمكىن. تىلشىلەردىڭ ساۋالىنا جاۋاپ بەرگەن يۋري سحاي مىرزا كومپانيادا باسقا شارا قالماعانىن جاسىرعان جوق.
«ءبىز «ازيا اۆتومەن» بىرگە بىرىگۋ جولدارىن ىزدەستىردىك، الايدا كەلىسە المادىق. جاپوندىقتارمەن كەلىسسوزدەر جۇرگىزىلدى، ولار ءبىزدىڭ زاۋىتتا كولىك شىعارۋعا كەلىستى، الايدا ۇلەستىك قاتىسۋدان باس تارتتى. «Peugeot» كومپانياسى دا كولىك شىعارىپ، نارىقتا ساتۋعا كەلىستى، ءبىراق كاپيتالعا كىرە المايتىندىقتارىن ايتتى. شىنىن ايتايىن سىزدەرگە، ءبىزدىڭ قارجىلىق جاعداي وتە ناشار، نارىقتا اقشا جوق، ساتىلىم 3,5 ەسە ءتۇسىپ كەتتى. سوندىقتان ءبىز سەرىكتەس ىزدەدىك. قىتايلىقتارمەن بىرىگۋ تۋرالى شەشىم ۇكىمەتپەن كەلىسىلگەن»، - دەپ تولىقتىردى ول.
سحاي قىتايلىق كولىكتەردىڭ ساپاسى الەمدىك نارىقتا سونشالىقتى باعالانا بەرمەيتىندىگىمەن كەلىستى. دەگەنمەن ق ح ر جىل سايىن 27 ميلليون كولىك شىعارادى.
«وسى باعىتتا ولار قاتتى وزىپ كەتكەن. ءبىزدىڭ ءوزىمىز قىمبات ەمەس سەگمەنتكە، ورتاشا سەگمەنتكە يەك ارتىپ وتىرمىز. سوندىقتان ولاردىڭ تاجىريبەسىن، بىلىمدەرىن جانە قارجىسىن پايدالانۋىمىز قاجەت. ەگەر بارلىعىنان باس تارتساق، ونداعان جىلدارعا ارتتا قالامىز»، - دەپ ءتۇيدى ءسوزىن سحاي.
اۆتور: جاسۇلان جولدىبايەۆ
