ۇلتتىق رۋحتى كوتەرمەي ەشقانداي شىنايى جاڭعىرۋ جانە وركەندەۋ بولمايدى - قۋات دومباي

ءوز سوزىندە پرەزيدەنتتىڭ قازاق تىلىندەگى ماقالاسىن قۋات دومباي ەرەكشە ماڭىزدى دەپ اتاپ ءوتتى. «ماعان ەلباسىنىڭ نە ايتقانىن ءبىلۋ ءۇشىن قازاقشا وقۋعا تۋرا كەلدى. وسىلايشا ءبارىمىز ۇيرەنەمىز. باسقا ۇلتتارعا تيىسپەي، ەڭ الدىمەن، ءبىز قازاقتار ءوز ارامىزدا قازاقشا سويلەۋىمىز كەرەك. سولاي ىستەسەك، باسقالار دا ۇيرەنەدى»، - دەيدى ق. دومباي.

سونىمەن قاتار، ول ەلباسى باعدارلامالىق ماقالاسىنان ەكى نارسەگە ريزا بولعانىن جەتكىزەدى. «ءبىرىنشىسى - ۇلتتىق رۋحتى كوتەرمەي، ەشقانداي شىنايى مودەرنيزاتسيا جانە وركەندەۋ بولمايدى. تاريحىندا ەڭ الدىمەن ادال يدەيامەن رۋحتى كوتەرگەن ەلدەر عانا تەز وركەندى. امەريكاعا قاراساڭدار دا بولادى نەمەسە گەرمانيا، جاپونيا، كەڭەس وداعى، قازىرگى قىتاي، مالايزيا جانە سينگاپۋر - سول ەلدەردىڭ ءبارى ەڭ الدىمەن ءوز رۋحىن كوتەرگەن. رۋحتى حالىققا ادال يدەيا بولسا، ەشقانداي كەدەرگى جوق»، - دەيدى ق. دومباي.

ونىڭ ايتۋىنشا، ماقالادا جالپى دۇرىس جوبالار ۇسىنىلدى. سونىڭ ءبىرى - لاتىن الىپبيىنە كوشۋ. «الەمگە كىرۋ ءۇشىن لاتىن الىپبيىنە كوشۋ، جاڭا جاس زاماناۋي جەتەكشىلەردى قولداۋ تاعى بىرنەشە ۇسىنىستار بار. دۇرىس دەپ ويلايمىن. جالعىز قورقاتىنمىن - جوسپارلارىمىزدىڭ ءبارى جاقسى بولدى، ولاردى دۇنيەگە جەتكىزۋ ماسەلە بولىپ جاتقان جوق پا؟ ىسكە ءسات دەپ تىلەپ جاتىرمىن»، - دەپ جازادى ول.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى