اكەلىك بورىشىن تولەمەگەن ازامات قاماۋعا الىناتىن بولدى
ايلىق تابىسىنىڭ ۇشتەن ءبىر بولىگىن بالالارىنا تولەمەي، جالتارىپ جۇرگەن ازاماتقا سوت وسىنداي ۇكىم شىعاردى. ەندى ا ەسىمدى ەر ادام 3 كۇنىن تەمىر توردىڭ ار جاعىندا وتكىزەدى، دەپ حابارلايدى قازاقپارات ءتىلشىسى.
الماتى وبلىستىق سوتىنىڭ باسپا ءسوز قىزمەتىندەگىلەردىڭ مالىمەتىنشە، ا ەسىمدى ازاماتقا 2013 -جىلدىڭ 12 -جەلتوقسانىندا سوت ۇكىم شىعارعان. ول 2008 -جىلعى جانە 2011 -جىلى دۇنيەگە كەلگەن جاسوسپىرىمدەرگە اليمەنت تولەۋى ءتيىس. ءبىراق ازامات سوت ۇكىمىن ورىنداماعان. سوت ورىنداۋشىلار ا ەسىمدى ازاماتتى بىرنەشە مارتە ەسكەرتىپ، سوت شەشىمى ورىندالماعان جاعدايدا جاۋاپكەرشىلىككە تارتىلاتىنىن حاباردار ەتكەن.
ءبىراق ول ەسكەرتۋدەن كەيىن جوعالىپ، ارتىنشا وعان ىزدەۋ جاريالانعان. ازاماتتىڭ مەكەنجايى انىقتالعان. ءبىراق ول بالالارى الدىنداعى بەرەشەگىن تولەۋگە ءالى اسىعار ەمەس. قاراساي اۋداندىق سوتى ا ەسىمدى ازاماتتى ق ر ا ق ك- نىڭ 669 -بابى بويىنشا كىنالى دەپ تاپتى. ازاماتتى 3 تاۋلىككە قاماۋ جونىندە شەشىم شىعاردى. سوت ۇكىمى زاڭدى كۇشىنە ەنگەن جوق.
اۆتور: سامال قابىشەۆا
