ديماشتىڭ ورىنداۋىنداعى گولليۆۋد فيلمىنىڭ ساۋندترەگى جارىق كوردى - كەسكىن
بۇعان دەيىن حابارلاعانىمىزداي، كينونىڭ قىتايداعى ديستريبيۋتورلىق كومپانياسى Weibo الەۋمەتتىك پاراقشاسىندا ساۋندترەك ۆيدەوسىنىڭ 10 سەكۋندتىق ترەيلەرى مەن فوتو- افيشاسىن جۇكتەگەن.
ايتا كەتەيىك، ديماشتىڭ weibo پاراقشاسىنا جۇكتەلگەن ۆيدەونى ءبىر ساعاتقا جەتپەي 500 مىڭ ادام تاماشالاسا، «ازيانىڭ جاڭا اندەرى» (Freshasia music) رەيتينگىندە بىردەن 9-ورىننان كورىندى.
«Power Rangers» امەريكانىڭ Lions Gate Entertainment جانە قىتايدىڭ TIK Films كومپانيالارى بىرلەسىپ تۇسىرگەن كينو. كينونىڭ العاشقى كورسەتىلىمى 24 - ناۋرىز كۇنى امەريكادا جانە تايۆاندا ءوتتى. قىتايدا پروكاتقا 12 - مامىر كۇنى شىعادى دەپ كۇتىلۋدە.
اۆتور: مۇحتار قاليموللا ۇلى
