شەكارادا «تونالعان» جەسىر انانىڭ اقشاسى اقىرى وزىنە بۇيىرمادى

قىتايداعى ءۇيىن ساتىپ، قازاقستاننان باسپانا الامىن دەپ كەلە جاتقاندا «كونترابانداشى» اتانعان گۇلجان ءماۋىتحانعا 9900 دوللارى عانا قايتارىلاتىن بولدى.

الايدا، شىعىس قازاقستان وبلىسى زايسان اۋداندىق سوتى جالعىزباستى ايەلدى 234-باپ بويىنشا ايىپتى دەپ تانىعان. سونداي-اق، 68 مىڭ تەڭگە ايىپپۇل سالىپتى. ال، قالعان 40 مىڭ دوللار ازىرگە مەملەكەتكە كىرىس بولىپ بەكىتىلگەن. ءوز اقشاسىن تولىقتاي قايتارۋ ءۇشىن گۇلجان ءماۋىتحان ەندى جوعارى ينستانسيالارعا(سوتتىڭ كەلەسى ساتىلارىنا) جۇگىنبەكشى ەكەن.

ەستەرىڭىزدە بولسا، وسىدان ءبىر ايعا جۋىق ۋاقىت بۇرىن قىتايدان اتاجۇرتقا ورالعان جەسىر انا - ءماۋىتحان گۇلجاننىڭ 50 مىڭ دوللارىن ش ق و زايسان كەدەن بەكەتىندە كەدەنشىلەر تاركىلەپ العان بولاتىن. ءوزىنىڭ زاڭدى مۇلكىنەن ايدىڭ كۇننىڭ امانىندا ايىرىلىپ قالعان كەيۋانا كەدەنشىلەردى سوتقا بەرىپ، «نۇر وتانعا» دەيىن شاعىمدانعان بولاتىن.

دەرەككوز: 31.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى