ەكونوميكاسى دامىعان «ۇلكەن جەتىلىك» ەلدەرى رەسەيدىڭ اسادتى قولداۋدان باس تارتۋىنا ىقپال ەتۋدى تالقىلاماق

كەلىسسوزگە تۇركيا، ساۋد ارابياسى، بىرىككەن اراب امىرلىكتەرى، يوردانيا مەن كاتار سىرتقى ىستەر مينيسترلەرى دە قاتىسىپ جاتىر. «ۇلكەن جەتىلىك» ەلدەرى ا ق ش مەملەكەتتىك حاتشىسى رەكس تيللەرسوننىڭ ماسكەۋگە ساپارى قارساڭىندا ۆاشينگتوننىڭ سيرياعا قاتىستى ۇستانىمىن ايقىنداپ الماق نيەتتە. «ۇلكەن جەتىلىك» ەلدەرى قاتارىندا ا ق ش، ۇلى بريتانيا، جاپونيا، گەرمانيا، فرانسيا، يتاليا جانە كانادا بار.

باتىس ەلدەرى كەزدەسۋ قارساڭىندا سيريا پرەزيدەنتى باشار اسادتى وتكەن اپتادا بولعان حيميالىق قارۋ شابۋىلىنا ايىپتى دەپ، داماسكىنىڭ باستى وداقتاسى رەسەيدىڭ اسادپەن بايلانىسىن ۇزۋىنە ىقپال ەتپەككە تىرىسىپ جاتىر.

ۇلى بريتانيا مەن كانادا بۇعان دەيىن رەسەي اسادتى قولداۋىن توقتاتپاسا سانكسيالار كۇشەيۋى مۇمكىن ەكەنىن مالىمدەگەن. كەشە ۇلى بريتانيا سىرتقى ىستەر ءمينيسترى بوريس دجونسون «ۇلكەن جەتىلىك» ەلدەرى سيريا مەن رەسەيدىڭ اسكەري تۇلعالارىنا سانكسيا سالۋدى تالقىلايتىنىن ايتقان.

http://www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى