نازاربايەۆ: قازاقستان جۇرگىزگەن رەفورمالار وزگە مەملەكەتتەرگە ۇلگى بولدى

پرەزيدەنتتىڭ ايتۋىنشا، تاۋەلسىزدىكتىڭ باستاۋىندا قازاقستان ارنايى باعدارلاما قابىلدادى - جەدەل جەكەشەلەندىرۋ، قازاقستانعا ترانسۇلتتىق كومپانيالاردى جانە ۇلكەن كولەمدە ينۆەستيتسيالار تارتۋ، سوتسياليستىك ەكونوميكانى نارىقتىق ەكونوميكاعا بەيىمدەۋ، شاعىن جانە ورتا بيزنەستى دامىتۋ دەرەۋ قولعا الىندى. وسىنىڭ بارلىعى ەكونوميكانى قاتتى كوتەرۋگە مۇمكىندىك بەردى.

«قازاقستان ەكونوميكاسى 25 جىلدا 23 ەسە وسكەن. جان باسىنا شاققانداعى ج ءى ءو  (جالپى ىشكى ءونىم) كولەمى بويىنشا، بارلىق كورشى مەملەكەتتەردى باسىپ وزدىق، قازىر ونىڭ دەڭگەيى شىعىس ەۋروپا ەلدەرىنىڭ ج ءى ءو كولەمىمەن بىردەي. ءبىراق قازىر باعالاردىڭ تومەندەۋى، ديەۆالۆاتسيانىڭ ورىن الۋى، جاعدايدى قيىنداتىپ جىبەردى، دەگەنمەن ءوندىرىستىڭ جالپى كولەمى سول قالپىندا قالىپ وتىر. قازاقستاندا كەدەيشىلىك 12 ەسە - 40 پروتسەنتتەن 5 پروتسەنتكە دەيىن تومەندەدى. جۇمىسسىزدىق تا كۇرت تومەندەدى، وسىنىڭ بارلىعى قوعامدا تۇراقتى جاعداي قالىپتاستىرىپ وتىر»، - دەپ اتاپ ءوتتى مەملەكەت باسشىسى.

پرەزيدەنتتىڭ حابارلاعانىنداي، قازاقستان زەينەتاقى مەن جالاقى كولەمىن ەشقاشان كەمىتكەن ەمەس.

«ءتىپتى داعدارىس كەزىندە دە وندايعا بارعان جوقپىز. بۇعان ارنايى ۇلتتىق قور كوپ كومەگىن بەردى. مىقتى ەكونوميكا بار كەزدە قورعانىس، مادەنيەت، ءبىلىم بەرۋ، دەنساۋلىق ساقتاۋ سالالارى دا نىعايا تۇسەدى. وسى سالالاردىڭ بارلىعىندا دا كوپ جۇمىس اتقارىلدى. مەنىڭشە، كەيبىر رەفورمالار بويىنشا ءبىز بارلىعىن وزىپ كەتتىك دەپ سانايمىن، ولار ءبىزدىڭ كورشى مەملەكەتتەر ءۇشىن ۇلگى بولدى»، - دەدى نۇرسۇلتان نازاربايەۆ رەسەيلىك تەلەارناعا بەرگەن سۇحباتىندا.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى