كۇش بىرىكتىرمەي، «يسلام مەملەكەتىن» جانە لاڭكەستىكتى جويۋ مۇمكىن ەمەس - ەلباسى

 دەپ حابارلادى «قازاقپارات» ح ا ا.

«سيريا پروبلەماسىنداعى قازاقستاننىڭ ءرولى - استانادا سيريالىق قاقتىعىسۋشى تاراپتار مەن ۇكىمەت وكىلدەرىنە جانە وسى پروتسەستى باقىلاپ وتىرعان - رەسەي، يران، تۇركياعا باسقوسۋ وتكىزۋگە مۇمكىندىك بەرگەنىمىزدە. ولاردىڭ سۇراۋى بويىنشا بىرنەشە وسىنداي كەزدەسۋلەر وتۋدە. شىنىن ايتقاندا، استانا پروتسەسىندە جەنيەۆاداعى كەزدەسۋدە بولماعان تاراپتار بولدى، اسىرەسە وپپوزيتسيا جاعىنان. ولار قازاقستاندى بىردەي قاشىقتىقتا ورنالاسقان، بارلىق قاقتىعىسۋشى تاراپتارمەن بىردەي قاتىناستاعى مەملەكەت دەپ تانىدى. ءبىز ولارعا ءبىزدىڭ جەرىمىزدە كەزدەسۋدى ۇسىندىق، وسىنداي جوعارى دەڭگەيدەگى كەزدەسۋگە بارلىق جاعدايلار جاساپ بەردىك. مەن تىلدەسكەن ساراپشىلاردىڭ، ب ۇ ۇ وكىلدەرىنىڭ بەرگەن باعاسى بويىنشا، بۇل كەزدەسۋلەر ارى قاراي بەيبىت پروتسەستى جانە وسى كەلىسسوزدەردى ارى قاراي جالعاستىرۋ ءۇشىن وتە پايدالى بولدى»، - دەپ اتاپ ءوتتى مەملەكەت باسشىسى رەسەيلىك ارناعا بەرگەن سۇحباتىندا.

ق ر پرەزيدەنتى تەرروريزمگە قارسى كۇرەستە بارلىق مەملەكەتتەردىڭ بىرلەسكەن جۇمىسى قاجەت ەكەندىگىن ايتتى.

«قازىر مەن ەشقانداي باعا بەرە المايمىن. ءبىرى حيميالىق شابۋىل بولدى جانە ادام شىعىنى ورىن الدى دەسە، ەكىنشى تاراپ بۇنىڭ ءبارى بولعان جوق دەپ وتىر. وسى ماسەلەدە ءادىل شەشىمگە كەلۋ قيىن. ءبىراق مەنىڭ ويىمشا، بارلىق مەملەكەتتەردىڭ مۇددەسى - ءتۇپتىڭ تۇبىندە وندا بىرلەسىپ جۇمىس جاساۋ. مۇددەلى مەملەكەتتەردىڭ بىرلەسكەن جۇمىسىنسىز، تىعىز جۇمىسسىز «يسلام مەملەكەتىن» جانە لاڭكەستىكتى جويۋ مۇمكىن ەمەس»، - دەپ ءتۇيدى ويىن نۇرسۇلتان نازاربايەۆ.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى