مىسىرداعى تەراكتىلەردى جاساعان كىمدەر؟

«قازاقپارات» ح ا ا مەنشىكتى ءتىلشىسىنىڭ حابارلاۋىنشا، لاڭكەستەردىڭ اتى-ءجونى ءابۋ ىسقاق ءال-ماسري جانە ءابۋ ءال-بارا ءال-ماسري ەكەنى انىقتالدى.

ءابۋ ىسقاق ءال-ماسري الەكساندرياداعى حريستياندىق شىركەۋدە تەراكت جاساعان. ول 1990-جىلى قىركۇيەك ايىندا مانياتا ال-كامدا دۇنيەگە كەلگەن. ساۋدا باكالاۆرى دارەجەسىن العان.

ونىڭ كۋۆەيتتە ءتورت اي ەسەپشى بولىپ جۇمىس ىستەپ، تۇركياعا اتتانعانى بەلگىلى. ودان كەيىن 2013-جىلدىڭ 26- جەلتوقسانىندا سيرياعا اتتانعان.

كەيىنىرەك، سينايعا قايتا ورالعان. مىسىردىڭ تانتا قالاسىنداعى شىركەۋدە بولعان ەكىنشى تەراكتىنى ءابۋ ءال-بارا ءال-ماسري جاساعان. ول 1974-جىلى 13- جەلتوقساندا كافر-ەل-شەيحتەگى ءابۋ-تابەل قالاسىندا تۋعان. ورتا ءبىلىم تۋرالى ديپلومى بار، ۇيلەنگەن جانە ءۇش بالاسى بار.

2013-جىلدىڭ 15- تامىزىندا ءابۋ ءال-بارا سيرياعا اتتانعان، كەيىنىرەك ليۆانعا كەتىپ، قايتادان سيرياعا ورالعان. ەكى بومبا جارىلىسى مىسىردىڭ كوپت شىركەۋلەرىندە بولىپ، ەڭ كەمى 44 ادامنىڭ ءومىرىن جالمادى جانە جۇزدەن استام ادامنىڭ دەنساۋلىعىنا زاقىم كەلتىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى