ءۇندىستاندا جۇرەگى سىرتىندا ورنالاسقان قىز دۇنيەگە كەلدى
سول كەمىستىكتەن قىزدىڭ جۇرەگى سىرتقا شىعىپ كەتكەن، دەپ جازدى Daily Star.
ءسابيدىڭ اتا-اناسى اقاۋ تۋرالى ۋلترا-دىبىستىق زەرتتەۋدە بىلگەن، ءبىراق ارى قاراي تەكسەرۋ جۇرگىزۋ ءۇشىن ەرلى-زايىپتىنىڭ اقشاسى بولماعان.
«ءبىز تۇڭعىشىمىزدى مۇنشا قينالادى دەپ ويلامادىق»، - دەدى قىزدىڭ اناسى. دارىگەرلەردىڭ ايتۋىنشا، بالانىڭ امان قالۋ مۇمكىندىگى - 50 دە 50.
قىزدى دەلي اۋرۋحاناسىنا جەتكىزدى، وعان ءۇندىستان مەديتسينالىق عىلىمدار ينستيتۋتىنىڭ ماماندارى وتا جاسايدى. جۇرەك ەكتوپياسى - ياعني ورگاننىڭ ەرەكشە ورىنعا جىلجىپ كەتۋى وتە سيرەك كەزدەسەدى، 150 مىڭ ادامنىڭ بىرەۋىندە عانا بولۋى مۇمكىن. سونداي-اق، بۇل اقاۋعا تاپ بولعان بالالاردىڭ %90 ءولى كۇيىندە تۋادى نەمەسە ءومىرىنىڭ العاشقى كۇنىندە كوز جۇمادى.
