دانيال احمەتوۆ جول جوندەۋ جۇمىستارىنىڭ تەندەرلىك قۇجاتتاماسىن تەكسەرۋدى تاپسىردى
دەپ حابارلايدى «قازاقپارات» ح ا ا ءتىلشىسى.
بيىل قىستا شىعىس قازاقستان جولدارى كۇردەلى مەتەوجاعدايلارعا بايلانىستى 84 رەت، پروفيلاكتيكالىق قار كوشكىنىن تۇسىرۋگە بايلانىستى 26 رەت جابىلعان، دەپ حابارلادى بۇگىنگى جينالىستا ش ق و جولاۋشىلار كولىگى جانە اۆتوكولىك جولدارى باسقارماسى باسشىسىنىڭ مىندەتىن اتقارۋشى مۇرات مۇساتايەۆ. قىس مەزگىلىندە قاردىڭ كوپ ءتۇسۋى دە ءبىرقاتار قيىندىقتار تۋدىردى، - دەپ مۇساتايەۆ وڭىردەگى 3 مىڭ شاقىرىمنان استام اۆتوكولىك جولدارىنىڭ قىسقى كۇتىمىنە ساراپتاما جۇرگىزدى.
سونىمەن بىرگە، ءدال وسى تاقىرىپتا «قازاۆتوجول» ۇ ك» ا ق شىعىس قازاقستاندىق فيليالىنىڭ ديرەكتورى نۇرلان ومىربايەۆ ءسوز سويلەدى. ول قار تازالاۋ تەحنيكالارىن قولدانۋ شىعىندارىن ازايتۋ ءۇشىن بيىل 22 شاقىرىم قار ۇستايتىن قالقانداردىڭ، 1,3 مەتردەن اساتىن قورشاۋلاردىڭ تۇرعىزىلعانىن حابارلادى. اۆتوجولداردىڭ قىسقى كۇتىمىنە ارنالعان ساراپتامادان كەيىن جانە اۆتوجولداردى تازالاۋ، جوندەۋ جۇمىستارى جانە قۇرىلىسىنا جاۋاپتى مەردىگەر ۇيىمداردىڭ تەحنولوگيالىق جاعدايى تۋرالى اڭگىمەدەن كەيىن دانيال احمەتوۆ اكىمدەرگە ءوز اۋماقتارىنداعى مەردىگەرلەر وتكەن ماۋسىمدا جۇمىس جۇرگىزگەن جول جاعدايىنا مۇقيات تەكسەرۋ جۇرگىزۋدى، كەمشىلىكتەر تابىلعان جاعدايدا مەردىگەرلەردى قايتا تۇزەتتىرۋدى تاپسىردى.
