دانيال احمەتوۆ اۋىل شارۋاشىلىعى جارمەڭكەلەرىندە «شوۋ ۇيىمداستىرماۋدى» تالاپ ەتتى
دەپ حابارلادى «قازاقپارات» ح ا ا ءتىلشىسى.
ەسكە سالا كەتەتيىك، وسىدان ءبىر كۇن بۇرىن گلۋبوكوە اۋدانىنىڭ اۋىل شارۋاشىلىعى جارمەڭكەسىندە شىنايى باعا كورسەتىلمەگەنى ءۇشىن د. احمەتوۆكە وسكەمەن تۇرعىندارىنان كەشىرىم سۇراۋعا تۋرا كەلگەن. ەت ونىمدەرىن ساتۋشىلار كەلىسىنە 1600-1800 دەپ تۇرعان باعالاردى اكىم جارمەڭكەگە كەلگەن ساتتە 1300-گە اۋىستىرىپ قويدى. تۇرعىندار ساتۋشىلاردىڭ وسى ارەكەتتەرىنە شاعىمدانىپ، ءوڭىر باسشىسىنا حالىقتان كەشىرىم سۇراۋعا تۋرا كەلدى. بۇگىنگى كەڭەيتىلگەن وتىرىستا باستى تاقىرىپ تا وسى بولدى.
دانيال احمەتوۆ ورىنباسارى دۇيسەنعالي مۋسينگە دەمالىس كۇندەرى وتەتىن جارمەڭكەگە «الىپساتارلاردى» جىبەرمەۋدى، ءبىر اپتالىق مەرزىمدە ساتۋشىلاردىڭ كەم ولشەۋ، باعا قوسۋ سياقتى ارەكەتتەرىنە جول بەرمەۋ شارالارىپ دايىنداپ، تاپسىرمانىڭ ورىندالۋىن قامتاماسىز ەتۋدى جۇكتەدى.
«شوۋ ۇيىمداستىرىپ، ادامداردى الداۋدىڭ قاجەتى جوق. ءبىزدىڭ الەۋمەتتىك قولداۋ سالاسىنداعى مەملەكەتتىك ساياساتتى كەمسىتۋگە قۇقىعىمىز جوق»، - دەدى احمەتوۆ.
