دۋباي بيلىگى جاعاجايدا دەمالۋدىڭ جاڭا ەرەجەسىن جاريالادى
«جاعاجايدا بۇرىنعىشا وت جاعىپ، رۇقسات ەتىلمەگەن ساۋدا-ساتتىقپەن اينالىسۋعا، ادامداردى سۋرەتكە تۇسىرۋگە بولمايدى. سونداي-اق، دۋباي بيلىگى بارلىق شومىلۋشىلارعا جەكە زاتتارىنا اباي بولىپ، قاراۋسىز قالدىرماۋدى ەسكەرتەدى. تاعى ءبىر ەرەجە: جاعاجايدا تەك جەرگىلىكتى داستۇرگە ساي كيىممەن ءجۇرۋ كەرەك. كيىم ۇلگىسى ناقتىلانباعان»، - دەپ جازدى ق ر سپورت جانە مادەنيەت مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يعالي ءوزىنىڭ Facebook-تەگى پاراقشاسىندا.
جاعاجايدان تىس جەرلەردە شومىلۋ كيىمىمەن جۇرۋگە تىيىم سالىنعان. سونىمەن قاتار، جاعاجايدا تۇندە قالۋعا بولمايدى - بۇل تۇندە جۇلدىز تاماشالاۋدى جاقسى كورەتىندەرگە ارنالعان ەرەجە. ەرەجەنى بۇزعاندارعا قولدانىلاتىن جازا تۋرالى حابارلانباعان. ءبىراق، ونىڭ پايىمداۋىنشا، ەرەجەنى بۇزعانداردى ايىپپۇل نەمەسە قىلمىستىق جاۋاپكەرشىلىككە تارتۋى مۇمكىن.
