بايقوڭىردان «پروتون-م» قايتا ۇشىرىلا باستايدى

بۇل تۋرالى جۋرناليستەرگە عارىشقا ۇشىرۋ قۇرالدارى جانە جەرۇستى ينفراقۇرىلىم جونىندەگى باس قۇراستىرۋشى الەكساندر مەدۆەديەۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى «عارىش جاڭالىقتارى» سايتىنا سىلتەمە جاساپ.

ەسكە سالا كەتەيىك، بايقوڭىردان «پروتون-م» زىمىران-تاسىعىشى سوڭعى رەت 2016-جىلدىڭ ماۋسىم ايىندا ۇشىرىلعان ەدى. كەيىن، «پروتون- م» زىمىران-تاسىعىشتارىن عارىشقا اتتاندىرۋ قوزعالتقىشتاردا انىقتالعان اقاۋعا بايلانىستى توقتاتىلدى.

2017-جىلعى مامىر ايىنىڭ سوڭىنا جوسپارلانعان «پروتون-م»- ءنىڭ ۇشىرىلىمى كەزىندە وربيتاعا EchoStar 21 عارىش اپپاراتى جىبەرىلەتىن بولادى. ول وربيتاعا جوسپار بويىنشا 2016-جىلدىڭ ءبىرىنشى توقسانىندا جەتكىزىلۋى ءتيىس ەدى.

قازاقستان بەكىتكەن «بايقوڭىر» عارىش ايلاعىنان زىمىران-تاسىعىشتاردى ۇشىرۋ كەستەسىنە سايكەس، جىل سوڭىنا دەيىن فەدەرالدى عارىش باعدارلاماسى بويىنشا جانە كوممەرتسيالىق تاپسىرىس بەرۋشىلەردىڭ مۇددەسىنە وراي «پروتونداردىڭ» جەتى ۇشىرىلىمىن جۇزەگە اسىرۋ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى