قازاقستاندىق ازامات ادامزات تاريحىنداعى ەڭ قيىن ءۇش ەسەپتىڭ ءبىرىن شىعاردى
بۇل تۋرالى «اق جايىق» باسىلىمى حابارلايدى.
20 جاستاعى اتىراۋ وبلىسىنىڭ تۇرعىنى اقىلبەك كوپجاساروۆ الەمدەگى ەڭ قيىن ءۇش ەسەپتىڭ بىرەۋىن شىعاردى. اتالعان فاكتىنى ەۋروپا ماتەماتيكالىق قوعامى راستاپ وتىر. اقىلبەك كوپجاساروۆ اتالعان ەسەپ تۋرالى العاش رەت وسىدان 5 جىل بۇرىن ءوزىنىڭ ماتەماتيكا پانىنەن ساباق بەرەتىن ۇستازىنان ەستىگەن. سودان بەرى ول قولى قالت ەتسە، وسى ەسەپتى شىعاراتىن بولعان.
اقىرى ول جاۋابىن تاۋىپ، ونى ماتەماتيكالىق قوعامعا جىبەرگەن. ولار ءوز كەزەگىندە ەكى ايدان كەيىن ەسەپتىڭ دۇرىس شىعارىلعانىن ايتقان. مۇنىمەن قاتار، 2018 -جىلى اقىلبەكتى ارنايى ماراپاتتايتىندارىن مالىمدەگەن. ازىرگە قازاقستاندىققا قارسى جاۋاپ ايتىپ، ءمىن تاققاندار جوق.
