اشىق اسپان استىندا «قىز جىبەك» وپەراسى قويىلادى

 بۇل تۋرالى مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى، دەپ حابارلايدى قازاقپارات.

«15-16- ماۋسىمدا بەيبىتشىلىك جانە كەلىسىم سارايىنىڭ الدىندا ەلوردا تۇرعىندارى مەن قوناقتارى ءۇشىن دج. ۆەرديدىڭ «ايدا» وپەراسىنىڭ قويىلىمى وتەدى. استانانىڭ كورنەكتى نىشاندارىنىڭ ءبىرى - پيراميدا عيماراتى شوۋ ەلەمەنتتەرىمەن جانە ارنايى وتشاشۋمەن وتەتىن وراسان زور قويىلىمنىڭ تابيعي دەكوراتسياسىنا اينالادى. كورەرمەندەر مەرەكەلىك اتموسفەرانى پيراميداعا جاقىنداعان ساتتەن- اق سەزىنەتىن بولادى. سالماقتى ساۋلەت قۇرىلىمىنىڭ ەتەگىندە اق بوز ات مىنگەن شابارماندار دا، الىپ بەينەينستاللياتسيا دا ۇيلەسىمدى كورىنىس تابادى»، - دەدى مينيستر جۋرناليستەرگە ارنالعان باسپا ءسوز ءماسليحاتىندا.

ءمينيستردىڭ اقپاراتىنا سۇيەنسەك، 25- ماۋسىمدا مينيسترلىك تاعى ءبىر اۋقىمدى، وتە تانىمال جانە كۇردەلى جوبانىڭ ءبىرى - ليۋدۆيگ مينكۋستىڭ «دون كيحوت» بالەتىن ۇسىنادى. سپەكتاكلدىڭ قويۋشى حورەوگرافى - رەسەيدىڭ حالىق ءارتيسى، «استانا وپەرا» بالەتىنىڭ كوركەمدىك جەتەكشىسى التىناي اسىلمۇراتوۆا. قويۋشى ديريجەرى - ارمان ورازعاليەۆ، قويۋشى سۋرەتشىسى - ەتسيوفريدجەريو (يتاليا)، كوستيۋمدەر بويىنشا سۋرەتشى - فرانكا سكۋارچاپينو (يتاپليا).

«سونىمەن بىرگە، قازاقتىڭ مۋزىكالىق مۇراسىن ناسيحاتتاۋ ماقساتىندا 14 -شىلدەدە ە. برۋسيلوۆسكييدىڭ «قىز جىبەك» وپەراسى قويىلادى، بۇل جوبا دا ايرىقشا اۋقىمدى بولادى، ول دا بەيبىتشىلىك جانە كەلىسىم سارايىنىڭ الدىندا كورسەتىلەدى دەپ كۇتىلۋدە»، - دەدى مينيستر.

 اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى