ۇلتتىق بانك: شەتەل ۆاليۋتاسىنداعى دەپوزيتتەر كولەمى ازايدى

«مۇنداي سەرپىن ۇلتتىق ۆاليۋتاداعى دەپوزيتتەر ۇلعايعان كەزدە (%0,3  عا) شەتەل ۆاليۋتاسىنداعى دەپوزيتتەر كولەمىنىڭ ازايۋىنا (%11,5 عا) بايلانىستى بولدى. ناتيجەسىندە، دەپوزيتتەردىڭ دوللارلانۋ دەڭگەيى 2016-جىلعى جەلتوقسانداعى %54,6 دان 2017-جىلعى اقپاندا %51,5 عا دەيىن تومەندەدى.

زاڭدى تۇلعالاردىڭ ۆاليۋتا سالىمدارىنىڭ ۇلەسى جىل باسىنان %49,1  دان %45,8  عا دەيىن، جەكە تۇلعالاردىكى %62,0 دان %58,8 عا دەيىن تومەندەدى»، دەلىنگەن حابارلامادا.

ۇلتتىق بانكتىڭ مالىمەتتەرىنە قاراعاندا، ءتول ۆاليۋتاداعى دەپوزيتتەردىڭ وسۋىنە جەكە تۇلعالار دەپوزيتتەرىنىڭ كوبەيۋى اسەر ەتكەن.

«ولار جىل باسىنان %4,1 عا نەمەسە 121,3 ميلليارد تەڭگەگە ۇلعايدى. شەتەل ۆاليۋتاسىنداعى دەپوزيتتەر تەڭگەنىڭ نىعايۋى ناتيجەسىندە قايتا باعالاۋ ەسەبىنەن دە (قاڭتار-اقپاندا %6,2 عا)، ناقتى اكەتىلۋى ەسەبىنەن دە (%5,7 عا) تومەندەدى»، دەلىنگەن حابارلامادا.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى