قانداي ادام ەڭ ءالسىز؟

ومىردە نەنىڭ نە، كىمنىڭ كىم ەكەنىن بىلگەن ابزال. ءبىز ۇسىنعان مىنا ءبىر ساۋالدارعا قالاي جاۋاپ بەرەر ەدىڭىزدەر؟ !

ەڭ جاقسى ۇستاز كىم؟ - قايعى.

ەڭ ناشار ۇستاز كىم؟ - راحاتقا بولەنۋ.

قانداي قاسيەت ەڭ سيرەك كەزدەسەدى؟ - بەرە ءبىلۋ.

قاي قاسيەت ەڭ جاقسى؟ - كەشىرە ءبىلۋ.

قاي قاسيەت ەڭ قيىن؟ - ۇندەمەۋ.

قاي قاسيەت اسا ماڭىزدى؟ - سۇراي ءبىلۋ.

ەڭ كەرەكتى قاسيەت نە؟ - تىڭداي ءبىلۋ.

ەڭ قاۋىپتى كۇرەس نە؟ - قيالمەن كۇرەس.

قاي ادەت ەڭ سۇيكىمسىز؟ - شاتاق شىعارۋ.

قاي ادەت ەڭ زياندى؟ - مىلجىڭ بولۋ.

قانداي ادام ەڭ مىقتى؟ - اقيقاتتى تۇسىنگەن ادام.

قانداي ادام ەڭ ءالسىز؟ - ءوزىن مىقتى ساناعان ادام.

قانداي ادامدى پاراساتتى دەيمىز؟ - جۇرەگىن قاداعالاپ ۇستايتىن ادام.

قانداي بايلانىس ەڭ قاۋىپتى؟ - ءوز تانىڭە دەگەن ىڭكارلىك.

قانداي ادام ەڭ كەدەي؟ - بارىنەن دە اقشانى جاقسى كورەتىن ادام.

قۇدايعا قانداي ادام جاقىن؟ - مەيىرىمدى.

ەڭ وسال ادام كىم؟ - وزگەلەردى جەڭە بىلگەن جان.

رۋحى مىقتى ادام كىم؟ - ءوزىن- ءوزى جەڭگەن ادام.

قايعىنى نەمەن جەڭەدى؟ - قۋانىشپەن.

قايعىعا نەمەن قارسى تۇرادى؟ - توزىممەن.

ساناسى ساۋدىڭ بەلگىسى نە؟ - سەنىم.

جان دەرتىنىڭ بەلگىسى نە؟ - ۇمىتسىزدىك.

جامان ءىستىڭ بەلگىسى نە؟ - اشۋ.

جاقسى ءىستىڭ بەلگىسى نە؟ - جان تىنىشتىعى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى