تاسماعامبەتوۆ پۋتينگە سەنىم گراموتالارىن تاپسىردى
دەپ حابارلايدى «قازاقپارات» ح ا ا ءتىلشىسى.
18 شەت مەملەكەتتەن كەلگەن ەلشىلەردىڭ قاتىسۋىمەن وتكەن رەسمي سالتاناتتى شارا ۇلكەن كرەمل سارايىنىڭ الەكساندر زالىندا ءوتتى. ءداستۇر بويىنشا پۋتين 18 مەملەكەتتىڭ ەلشىسىنە رەسەيدىڭ قارىم- قاتىناسى تۋرالى قىسقاشا ايتىپ ءوتتى. قازاقستان تۋرالى ايتقاندا ر ف پرەزيدەنتى 21 - عاسىرداعى تاتۋ كورشىلىك پەن وداقتاستىق تۋرالى شارت نەگىزىندە ءتۇرلى سالالارداعى ىنتىماقتاستىقتى نىعايتۋداعى ەكىجاقتى ۇمتىلىستى اتاپ ءوتتى.
«قازاقستان - ءبىزدىڭ سەنىمدى دوسىمىز جانە ستراتەگيالىق وداقتاسىمىز. جاقىندا پرەزيدەنت نۇرسۇلتان ءابىش ۇلى نازاربايەۆپەن بولعان كەلىسسوزدەر بارىسىندا 21 - عاسىرداعى تاتۋ كورشىلىك پەن وداقتاستىق تۋرالى شارت نەگىزىندە ءتۇرلى سالالارداعى ىنتىماقتاستىقتى نىعايتۋداعى ەكىجاقتى ۇمتىلىس ماقۇلداندى»، - دەپ پۋتين ت م د، ەۋرازيالىق ەكونوميكالىق وداق، ۇ ق ش ۇ جانە شاڭحاي ىنتىماقتاستىق ۇيىمى اياسىندا بەلسەندى بىرلەسكەن جۇمىستار جۇرگىزىلىپ جاتقانىن اتاپ ءوتتى.
«پوست كەڭەستىك كەڭىستىكتىڭ ينتەگراتسيالىق پروتسەستەرىندەگى پرەزيدەنت نازاربايەۆتىڭ كوشباسشىلىق ءرولىن جوعارى باعالايمىز»، - دەدى ر ف پرەزيدەنتى.
