قىتايلىق تانىمال ءانشى ديماشتى ىزدەپ كەلىپ جولىقتى

 حۋنان TV- نىڭ «Day Day UP» شوۋىنىڭ تۇسىرىلىمىنەن كەيىن حان حۋن مەن حۋان يشان ديماشپەن جولىعۋدى ۇيعارعان. حان حۋن ديماشقا ريزاشىلىعىن ءبىلدىرىپ، انشىلەر كوڭىلدى اڭگىمەلەسكەن.

حان حۋن - 1971 -جىلى قىتايدىڭ تيبەت اۆتونوميالى ولكەسىندە دۇنيەگە كەلگەن. اكەسى - قىتاي، شەشەسى - تيبەتتىك. تانىمال اسكەري ءانشى، جۇلدىز، كوپتەگەن اندەردىڭ اۆتورى، 2013 -جىلعى «I am singer»  بايقاۋىنىڭ جەڭىمپازى. قىتايلىق ءىرى مۋزىكالىق باسەكەلەردىڭ باعالاۋشىسى.

ايتا كەتەيىك، حان حۋننىڭ ەڭ بەدەلدى تۋىندىسى جەتىم بالانىڭ زارىن سۋرەتتەيتىن «تاڭ اتتى» ءانى 2001 -جىلى جارىققا شىققان. بۇل ءان كوپتەگەن سىيلىقتاردى جەڭىپ العان.

قىتايلىق ب ا ق- تارعا بەرگەن سۇحباتىندا ديماش حان حۋندى بۇرىننان بىلەتىنىن جانە «تاڭ اتتى» ءانىن العاش رەت 10 جاسىندا ەستىگەنى تۋرالى ايتىپ بەرگەن.

ەسكە سالا كەتەيىك، ديماش «Singer 2017» بايقاۋىنىڭ سەگىزىنشى كەزەڭىندە وسى «تاڭ اتتى» ءانىن شىرقاعان بولاتىن. ءبىر وكىنىشتىسى، بايقاۋعا ءبىر كۇن قالعاندا ديماشقا سالقىن ءتيىپ، تاماعى اۋىرىپ قالعان. سوندىقتان وعان اۋىرعاندى باساتىن ءدارى ەككەن، وسىلايشا ساحناعا شىققان. ال حان حۋن ديماشقا ءوزى حابارلاسىپ كەڭەسىن ايتىپ، قولداۋ بىلدىرگەن.

اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى