قازاقستان ارتىلعان ەلەكتر ەنەرگيانى شەتەلگە ساتۋى مۇمكىن

بۇل تۋرالى بۇگىن پارلامەنت ماجىلىسىندە «ەنەرگەتيكا ماسەلەلەرى تۋرالى» زاڭ جوباسىن تالقىلاۋعا ارنالعان دوڭگەلەك ۇستەلدە «KEGOK» اق تەحنولوگيالىق دامۋ بويىنشا اتقارۋشى ديرەكتورى اسكەربەك قۋانىشبايەۆ ءمالىم ەتتى، دەپ حابارلايدى قازاقپارات.

 «ەلەكتر ەنەرگياسىنا شەكتى تاريفتەر ەنگىزىلگەننەن بەرگى 7 جىل ىشىندە كوپ ءىس اتقارىلدى. سالاعا تريلليون تەڭگەگە تارتا ينۆەستيتسيا سالىندى. قازىر قازاقستاندا 20 مىڭ مەگاۆات قۋاتتىلىق تىركەلسە، ونىڭ ىشىندە 3 مىڭ مەگاۆات ەلەكتر ەنەرگياسى پروفيتسيت بولىپ سانالادى»، - دەدى ول.

 ونىڭ سوزىنشە، بۇل پروفيتسيت ءالى 2026-2027 -جىلدارعا دەيىن ساقتالادى. «ءوز كەزەگىندە، اتالمىش زاڭ جوباسىنىڭ 13-بابىندا بىلاي دەلىنگەن: ەنەرگيا ءوندىرۋشى ۇيىم ق ر ءبىرىڭعاي ەلەكترو ەنەرگەتيكالىق جۇيەدە ەلەكتر ەنەرگياسىنىڭ پرويفيتسيتى كەزىندە ەلەكتر ەنەرگياسىن قازاقستاننان تىس مەملەكەتتەرگە ق ر تۇتىنۋشىلارى ساتىپ الاتىن باعادان كەم ەمەس دەڭگەيدە ساتۋعا قۇقىلى»، - دەپ ءتۇسىندىردى اسكەربەك قۋانىشبايەۆ.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى