قىتاي قىز-كەلىنشەكتەرى يۆانكا ترامپقا ۇقساۋ ءۇشىن جاپپاي پلاستيكالىق وپەراتسيا جاساتىپ جاتىر
بۇل تۋرالى The Daily Mail حابارلايدى.
اسىرەسە، قىتاي تۇرعىندارى تۋرا يۆانكادان اۋماي قالۋ ءۇشىن جاپپاي پلاستيكالىق وپەراتسيا كومەگىنە جۇگىنىپ جاتقان كورىنەدى.
ترامپتىڭ ايەلى مەلانيا ترامپقا امەريكالىقتار اسا جىلى قاباق تانىتپاعانىمەن (سىرتتان كەلگەن، ءبىلىمى جوق، اشىق-شاشىق سۋرەتتەرگە تۇسكەن)، يۆانكا جۇرت اراسىندا سىيلىراق، ءارى اكەسىمەن بىردەي تانىمال دەسە دە بولادى.
ساياسات تانۋشىلاردىڭ ايتۋىنشا، پرەزيدەنتتىڭ اقىلدى، سۇلۋ قىزى ترامپتىڭ باستى كوزىرى. ول ءبىلىمدى، سۇلۋ، تابىستى، بەلسەندى، سونىمەن قاتار ادەمى ايەل جانە كوپبالالى انا.
ءبىراق، قىتايلىقتاردى يۆانكانىڭ سىرت كەلبەتى قاتتى قىزىقتىرىپ جاتقان سياقتى.
«قىتاي قىزدارى تانىمال اكتەرلەردىڭ تۇرىنە ۇقساۋ ءۇشىن بارىن سالادى. كوز، مۇرىن، بەت ءپىشىن، ەرىن ءبارى اينىتپاي كوشىرۋدى ماقسات ەتەدى»، - دەيدى كلينيكاداعى مەنەدجەرلەردىڭ ءبىرى.
