العاشقى جارىمەن ءدام-تۇزى جاراسپاعان وتاندىق جۇلدىزدار كىمدەر؟

دەگەنمەن تاعدىردىڭ سىناعىنا مويىماي، ەل سۇيىسپەنشىلىگىنە بولەنىپ جۇرگەن جۇلدىزدار دا بار. NUR. KZ پورتالى وتباسىندا ءدام-تۇزى جاراسپاعان شوۋ-بيزنەس وكىلدەرىن ءتىزىپ شىقتى.

بايان ەسەنتايەۆا

ەسەنتايەۆتار وتباسى ءۇشىن 2016-جىلى وتە اۋىر بولدى. ماۋسىم ايىندا قايعىلى وقيعا ورىن الىپ، كەيىنىرەك سىرت كوزگە تاتۋ-ءتاتتى بولىپ جۇرگەن ەرلى-زايىپتىلاردىڭ «بەتپەردەسى» اشىلدى.

وتاعاسى باقىتبەك ەسەنتايەۆ قىلمىستىق جاۋاپكەرشىلىككە تارتىلسا، تانىمال پروديۋسەر بايان ماقسات قىزى ارادا كوپ ۋاقىت وتپەي جاڭا سۇيىكتىسىن ەلگە تانىستىردى.

ايگۇل يمانبايەۆا، التىناي جورابايەۆا

تانىمال اكتريسا ءارى ءانشى ايگۇل يمانبايەۆا اكتەر، رەجيسسەر ءسابيت ءابدىحالىقوۆتىڭ العاشقى جارى بولعانى ەلگە بەلگىلى. ايگۇل حانىم بۇگىندە سابيتتەن تۋعان ۇلى اسىلجاندى تاربيەلەپ وتىر.

سوڭعى كەزدە ءابدىحالىقوۆ مىرزانىڭ ەكىنشى جارى التىناي جورابايەۆامەن دە اجىراسىپ كەتكەنى تۋرالى قاۋەسەت تاراپ ءجۇر. الايدا ونەرلى جۇپ بۇل تۋرالى ءالى رەسمي تۇردە مالىمدەگەن جوق.

شاحيزادا

وتكەن جىلى ءۇش مىڭ كورەرمەننىڭ الدىندا نەمەرەسىنىڭ تۇساۋىن كەسكەن ءانشى جۋىردا تاعى دا عاشىق بولىپ قالعانىن مالىمدەدى. ايتا كەتەرلىگى، شاحيزادا بايپاتشانوۆا بۇعان دەيىن ەكى رەت تۇرمىسقا شىققان. ەكىنشى كۇيەۋىمەن ون جىل بىرگە تۇرعان.

ديلناز احماديەۆا

2011-جىلدىڭ قىركۇيەك ايىندا تۇرمىسقا شىققان ديلناز احماديەۆا جولداسى احمادتى كوپكە دەيىن ەل نازارىنان اۋلاق ۇستادى. ءتىپتى جۋرناليستەرگە شاڭىراق كوتەرۋ تويىنداعى فوتولاردى جاريالاۋعا تىيىم سالدى. 2015-جىلى بۇل نەكەگە نۇكتە قويىلىپ، ءانشى كۇيەۋىمەن اجىراسىپ كەتتى.

اسحات تارعىنوۆ

«چيپ-چيپ-چيپ» دەپ ءان سالىپ، كوپشىلىك نازارىنا تۇسكەن اسحات تارعىنوۆ تا قۇسىن ۇشىرىپ العانداردىڭ ءبىرى. العاشقى نەكەسى ءۇش جىلعا سوزىلعان ءانشىنىڭ ايىم ەسىمدى قىزى بار. تارعىنوۆ مىرزا قىزىنا ۇنەمى قولداۋ كورسەتىپ، جۇزدەسىپ تۇرادى.

ەركە ەسماحان

ءانشى ەركە ەسماحان مەن تەلەجۇرگىزۋشى اسحات سادىرباي 2011-جىلى شاڭىراق كوتەرىپ، ءتىپتى ولار نەكەلەرىن ەلەكتروندى پورتال ارقىلى تۇڭعىش تىركەتكەن العاشقى جۇپ بولعان ەدى.

ولاردىڭ ءمۇسىلىم ەسىمدى ۇلدارى دۇنيەگە كەلگەن سوڭ ەرلى-زايىپتىلار ەكىگە ايىرىلىستى. اسحات سادىرباي ەكىنشى رەت شاڭىراق كوتەرگەنىمەن، ول دا ءساتسىز بولدى. كەيىنىرەك سادىرباي مىرزا ءۇشىنشى رەت ۇيلەندى.

ءمادينا ءسادۋاقاسوۆا

2006-جىلى اق بوساعا اتتاپ، وڭتۇستىك قازاقستان وبلىسىنا كەلىن بوپ تۇسكەن ءانشى مادينا ءسادۋاقاسوۆا 2008-جىلى كۇيەۋىمەن اجىراسىپ كەتتى. العاشقى نەكەسى ءساتسىز اياقتالعان ونەر يەسى 2014-جىلدىڭ اقپانىندا ەكىنشى رەت تۇرمىسقا شىقتى. بۇگىندە جولداسى ولجاس سماعۇلوۆپەن بىرگە ءانۋار ەسىمدى ۇلدى تاربيەلەپ وتىر.

نۇرلان البان

نۇرلان البان - تانىمال اقىن نازيرا بەردالىنىڭ بۇرىنعى كۇيەۋى. ەكى جاس شاڭىراق كوتەرگەندە كوپشىلىك باقىت تىلەپ، ءتىپتى سۇيسىنە قاراعان-دى. الايدا مىنەزدەرى جاراسپاعان ەرلى-زايىپتىلار ايىرىلىسىپ كەتتى. قازىرگى تاڭدا ەكەۋى دە باقىتتارىن ەكىنشى نەكەدەن تاپتى.

اقبوتا كەرىمبەكوۆا

ەكى رەت تۇرمىسقا شىعىپ، باقىتى كوپكە سوزىلماعان ءانشى اقبوتا كەرىمبەكوۆا ءۇش بالاسىن اسىراپ وتىرعان جالعىزباستى انا بولاتىن. جۋىردا ونەر يەسى ءۇشىنشى رەت كۇيەۋگە شىققانىن ايتتى. ءانشىنىڭ سوزىنە سەنسەك، ونىڭ قازىرگى جولداسى ونەرىنە اسا قۇرمەتپەن قارايدى. ەسىمى - راۋان.

ەركىن نۇرجانوۆ

ءانشى ەركىن نۇرجانوۆتىڭ العاشقى جارىنا دەگەن ماحابباتىن تىڭدارماندارى ءالى ۇمىتا قويعان جوق. ءتىپتى جۇبايىنا ارناپ «اياگوز» دەپ ءان سالعان جۇلدىزدى اجىراسادى دەپ ەشكىم ويلاماعان دا ەدى.

2014-جىلى ەركىن ەكىنشى رەت شاڭىراق كوتەردى. ايەلىنىڭ ەسىمى - دينارا.

مارجان اراپبايەۆا

ءبىرىنشى كۇيەۋىنەن دۇنيەگە اكەلگەن ءاميرا ەسىمدى قىزدى جالعىز تاربيەلەپ كەلگەن ءانشى مارجان اراپبايەۆا 2014-جىلدىڭ تامىز ايىندا ەكىنشى رەت بوساعا اتتادى. تانىمال ەسترادا جۇلدىزىنىڭ جارى ونەردەن مۇلدەم الىس جان، پوليتسيا قىزمەتكەرى. ەسىمى - ەربول.

بايان نۇرمىشەۆا

بايان نۇرمىشەۆانىڭ ارىپتەسى ەرلان ورىنباساروۆ - ءانشىنىڭ ەكىنشى كۇيەۋى. ورىنباساروۆ مىرزا دا وعان دەيىن ءبىر رەت نەكەدە بولىپ ۇلگەرگەن. بۇگىندە بۇل وتباسى بالا تاربيەلەپ، باقىتتى كۇن كەشۋدە.

انەل ارىنوۆا

«كەشyou» توبىنىڭ بۇرىنعى ءانشىسى انەل ارىنوۆا 2014-جىلى تۇرمىسقا شىقتى. ونىڭ دا نەكەسى كوپكە سوزىلمادى. قازىرگى تاڭدا ءانشى يمران ەسىمدى بالاسىن جالعىز ءوزى تاربيەلەپ وتىر.

ادەمى

قازاق ەستراداسىنا قادام باسقانىنا كوپ ۋاقىت وتە قويماسا دا، ەرەكشە سۇيكىمدىلىگىمەن ەل نازارىن وزىنە اۋدارتا بىلگەن ءانشى ادەمى دە كۇيەۋىمەن اجىراسقان. ايتپاقشى، جۋىردا يتالياندىق ءانشى ۆالتەر ريچچي ادەمىگە ۇيلەنۋ تۋرالى ۇسىنىس جاسادى.

كوپ ۋاقىت وتپەي قازاق قىزى شەتەلدىك جىگىتتى ءوز اتا-اناسىمەن تانىستىردى.

سايا ورازعاليەۆا

19 جاسىندا تۇرمىسقا شىققان اكتريسا سايا ورازعاليەۆا دا العاشقى نەكەدە جولى بولماعان شوۋ-بيزنەس وكىلى. بۇگىندە ونىڭ ءبىر ۇلى بار.

داۋرەن ايدارقۇلوۆ

«گلامۋر دليا دۋر» فيلمىنەن سوڭ شۋدىڭ ورتاسىندا قالعان اكتەر داۋرەن ايدارقۇلوۆتىڭ «كەشيۋدىڭ» بۇرىنعى ءانشىسى اقبوتا سەيتماعامبەتپەن كوڭىل جاراستىرعانى تۋرالى اقپارات تارادى.

الايدا جۇلدىزدى جۇپ رەسمي تۇردە ەشتەڭە مالىمدەي قويعان جوق. دەگەنمەن ءانشى اقبوتا شىندىقتىڭ ءبىر ۇشىن شىعارىپ، داۋرەنمەن تۇسكەن فوتوسىن كوپشىلىكپەن ءبولىسىپ ۇلگەردى. ايتا كەتەيىك، بۇعان دەيىن «كەشyou» پروديۋسەرى اقبوتانىڭ توپتان اياعى اۋىر بولىپ كەتكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى