تاريحتى وزگەرتكەن ارۋلار
بۇگىن ءبىز الدىنان شىققان قيىندىققا توتەپ بەرىپ، كەيبىر زاڭدىلىقتىڭ وزگەرۋىنە سەبەپشى بولعان جاندار تۋرالى اڭگىمەلەيتىن بولامىز.
جاننا باررە جەر شارىن تولىقتاي اينىلىپ شىققان ەڭ ءبىرىنشى ايەل رەتىندە تاريح بەتىندە قالدى. ەر ازاماتتىڭ كيىمىن كيىپ، ۇلكەن كەمەنىڭ بورتىنا تاپ بولعان سۇلۋ فرانسۋز وقىمىستىسىنىڭ جۇمىسشىسى بولعان. اراعا ءبىر جىل سالىپ پاريج قالاسىنا كەلگەن جاننا باررە 3000 نان استام وسىمدىكتىڭ ءتۇرىن مۇراجايعا وتكىزەدى. سونىڭ ارقاسىندا ءوز كورولدىگىنەن ءومىر- باقي سىياقى رەتىندە زەينەتاقى العان.
گارريەت تابمەن افروامەريكالىقتاردىڭ ەركىندىگى ءۇشىن كۇرەسىپ وتكەن قايسار جان. ول ءوزىنىڭ 13 جاسىندا قۇلدىقتان قاشقان قارا ءناسىلدى ادامدى كۇزەتشىمەن بىرگە ۇرۋدان باس تارتقانى ءۇشىن قاتتى جازالانادى. ەسەيە كەلە ازاماتتىق سوعىسقا تاپ بولعان بويجەتكەن مەدبيكە جانە تىڭشى رەتىندە جۇمىس جاسايدى. سونىمەن قاتار ءوزىنىڭ جازۋشىلىق قىرىمەن دە كوپشىلىككە تانىلا باستايدى. ا ق ش- تىڭ الەۋمەتتىك رەفورماسىنا ارالاسىپ، تەرى تۇسىمەن ءبولىنۋ ماسەلەسىن قوزعايدى. وسى ەڭبەگىنىڭ ارقاسىندا مىڭداعان جانعا تاۋەلسىزدىكتىڭ نە ەكەندىگىن ۇقتىرعانداي بولادى.
ماريا سكلودوۆسكايا- كيۋري - الەمدەگى ەڭ مىقتى عالىم ايەل. ول العاش ءوزىنىڭ جۇبايىمەن بىرگە رادي جانە پولوني ەلەمەنتتەرىن اشادى. سونىڭ ارقاسىندا پاريجدەگى سوربوننا ج و و- نىڭ ەڭ ءبىرىنشى ايەل ءمۇعالىمى اتانادى.
ەلەونورا رۋزۆەلت الەمدەگى ەڭ مىقتى ساياساتكەرلەردىڭ ءبىرى بولعان. ەلەونورا ءوزىنىڭ جوعارى لاۋازىمىنا قاراماستان الەۋمەتتىك تاقىرىپتارعا ماقالالار جازىپ جاريالاپ تۇرعان. سونىمەن قاتار جۇبايىنا ساياسي كەڭەستەر دە بەرىپ وتىرعان. سونىمەن قاتار ادام قۇقىعىن قورعايتىن ب ۇ ۇ- نى ءوزى ويلاپ شىعارعان. ادامداردىڭ تەڭدىكتە جانە ەركىندىكتە ءومىر ءسۇرۋى ەلەونورانىڭ باستى ماقساتى بولعان.
گرەيس حوپپەر ادامنىڭ ءتىلىن تۇسىنەتىن كومپيۋتەر ويلاپ شىعارعان. سونىمەن قاتار ماتەماتيكا پانىنەن دوكتورلىق ديسسەرتاتسيانى العاش قورعاپ شىققان ايەل. 37 جاسىندا ءوز ەركىمەن اسكەري تەڭىز فلوتىنا جۇمىس جاساۋعا اتتانعان. ول جەردە "مارك I" دەپ اتالاتىن گارۆاردتىق كومپيۋتەرگە "نانوسەكۋند" اتتى قۇرىلعى ويلاپ شىعارعان. بۇگىنگى تاڭدا ونىڭ ەسىمىن اسكەري ورتاداعى سۋپەركومپيۋتەر يەلەنىپ وتىر. سونداي- اق جىل سايىن ەڭ ۇزدىك پروگرامميست ماماندارىنا ارنايى سىيلىق تا بەرىلىپ تۇرادى.
تۇمار حانشا (توميريس) - ماسساگەت حالقىنىڭ بايىرعى زاماندا ەل بيلەگەن اتاقتى حانشايىمى. پارسى پاتشاسى كيردى اشىق شايقاستا تاس- تالقان ەتىپ جەڭىپ، ءوز ەلىن ساقتاپ قالعان.
Massaget.kz
