الماتىدا وقۋشىنى قاعىپ كەتكەن پوليتسەي جۇمىسىنان كەتتى

«تارتىپتىك كوميسسيانىڭ شەشىمىمەن، الماتى قالاسى ءى ءى د باسشىسىنىڭ 13- ناۋرىزداعى بۇيرىعىمەن، جاياۋ جۇرگىنشىنى قاققان كەزدە كولىك رۋلىندە بولعان الماتى قالاسى ءى ءى د ءا پ ب ج پ پ ق ق اعا ينسپەكتورى، پوليتسيا اعا لەيتەنانتى ن. تۋمابايەۆ ىشكى ىستەر ورگانىنداعى جۇمىسىنان شىعارىلدى، سونداي-اق ونىڭ سەرىگى، الماتى قالاسى ءى ءى د ءا پ ب ج پ پ ق ق اعا ينسپەكتورى، پوليتسيا اعا لەيتەنانتى ب. كەمبەبايەۆ تا لاۋازىمىنان بوساتىلدى»، - دەلىنگەن ءى ءى د باسپا ءسوز قىزمەتىنىڭ حابارلاماسىندا.

قازىرگى ۋاقىتتا اتالعان جول-كولىك وقيعاسىن تەرگەۋمەن قالالىق ءى ءى د تەرگەۋ باسقارماسى اينالىسۋدا. جاياۋ جۇرگىنشىنى قاعىپ كەتكەن جۇرگىزۋشى زاڭ تالاپتارى بويىنشا جاۋاپقا تارتىلادى.

وندىرىستەگى ىسكە قاتىستى قاجەتتى ساراپتامالار تاعايىندالادى. ايتا كەتەيىك، 13- ناۋرىز كۇنى تاڭەرتەڭ الماتىدا 2007-جىلى تۋعان مەكتەپ وقۋشىسىن جاياۋ جۇرگىنشى جولاعىندا جول-پاترۋل پوليتسياسى قاعىپ كەتتى.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى