قازاقستان مەن وزبەكستاننىڭ قاۋىپسىزدىك كەڭەستەرى كوپتەگەن سالا بويىنشا ىنتىماقتاستىق ماسەلەلەرىن تالقىلادى
2017-جىلعى 10- ناۋرىزدا تاشكەنت قالاسىندا قازاقستان رەسپۋبليكاسى مەن وزبەكستان رەسپۋبليكاسىنىڭ قاۋىپسىزدىك كەڭەستەرى اپپاراتتارى اراسىندا كەڭەيتىلگەن كونسۋلتاتسيالار وتكىزىلدى.
كونسۋلتاتسيالار پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ۆ. جۇماقانوۆتىڭ جانە وزبەكستان پرەزيدەنتىنىڭ جانىنداعى قاۋىپسىزدىك كەڭەسىنىڭ حاتشىسى ۆ. ماحمۋدوۆتىڭ توراعالىعىمەن، مينيسترلىكتەردىڭ، ارنايى جانە قۇقىق قورعاۋ ورگاندارى باسشىلىقتاردىڭ قاتىسۋىمەن ءوتتى.
شارا بارىسىندا تاراپتار ورتالىق ازياداعى كووپەراتسيا جانە ىنتىماقتاستىق، اسكەري-تەحنيكالىق ءوزارا ارەكەتتەستىك، تەرروريزمگە جانە ءدىني ەكسترەميزمگە قارسى ءىس-قيمىل، زاڭسىز ميگراتسيامەن كۇرەس سالاسىنداعى قۇزىرەتتى ورگاندارى اراسىنداعى ىنتىماقتاستىق، كەدەن ورگاندارى اراسىنداعى اقپارات الماسۋىن كەڭەيتۋ جانە ترانس شەكارالىق سۋ رەسۋرستارىن بىرلەسكەن قولداۋ جونىندەگى ماسەلەلەردى قارادى.
جاھاندىق جانە وڭىرلىك قاۋىپسىزدىك جونىندەگى وزەكتى ماسەلەلەر بويىنشا پىكىر الماسۋ ورىن الدى، سونىن ىشىندە اۋعانستانداعى جاعدايدى رەتتەۋ بويىنشا ماسەلە قارالدى. سونىمەن قاتار پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ۆ. جۇماقانوۆ وزبەك تاراپىن قازاقستان رەسپۋبليكاسىنىڭ 2017-2018-جىلدارداعى ب ۇ ۇ قاۋىپسىزدىك كەڭەسىندەگى تۇراقتى ەمەس مۇشەلىگى بارىسىندا باسىمدىقتارى جانە وسى باعىتتاعى وڭىرلىك مۇددەلەردى جىلجىتۋ بويىنشا ىنتىماقتاستىقتىڭ ماڭىزدىلىعى تۋرالى حابارلادى.
تاراپتار ق ر جانە ءو ر قاۋىپسىزدىك كەڭەستەرى اپپاراتتارى اراسىندا كونسۋلتاتسيالار وتكىزۋدى جالعاستىرۋعا كەلىستى. جۇمىس قورىتىندىسى بويىنشا ەكى ەلدىڭ ءتيىستى مەملەكەتتىك ورگاندارعا ناقتى تاپسىرمالار بەرىلدى.
