قاراعاندى تۇرمەسىندە سوتتالۋشى كازينو اشقان

تۇتقىندار كارتا، نارد جانە وزگە دە قۇمار ويىنداردى ويناعان. ولاردىڭ اراسىندا قولما-قول اينالىم بولماعان. ۇتىلعانداردىڭ تۋىستارى مەن دوستارى جەڭىمپازداردىڭ كارتاسىنا اقشا اۋدارىپ وتىرعان.

قۇمار ويىن ويناۋشىلار توبى قىركۇيەكتەن ءساۋىر ايىنا دەيىن 8 اي جۇمىس ىستەگەن. قاراعاندى وبلىستىق سوتىنىڭ باسپا ءسوز قىزمەتى حابارلاعانداي، قاراعاندى وبلىسى قاراجال قالاسى ا ك 159/22 كولونياسىنىڭ سوتتالۋشىسى تۇزەۋ مەكەمەسى ىشىندە ويىن بيزنەسىن قۇردى دەپ ايىپتالعان.

سۋديا ءاليا جوشيەۆا سوتتالۋشىنى ايىپتى دەپ تانىپ، 10 جىلعا باس بوستاندىعىنان ايىرۋ جازاسىن تاعايىندادى.

ارەستانت راقىمشىلىق ەتۋ جونىندە ءوتىنىش بەردى. «اپەللياتسيالىق القا 10 جىلعا باس بوستاندىعىنان ايىرۋ تۇرىندەگى جازانى زاڭدى ءارى نەگىزدى دەپ ەسەپتەيدى»، - دەدى قاراعاندى وبلىستىق سوتى باسپا ءسوز قىزمەتىنىڭ باسشىسى گۇلبارشىن جىتىكوۆا.

ايتا كەتسەك، اك 159/22 تۇزەۋ مەكەمەسىنىڭ باسشىلىعى سالعىرتتىعى ءۇشىن تارتىپتىك جاۋاپكەرشىلىككە تارتىلدى. قازىرگى ۋاقىتتا بۇل كولونيا تاراتىلدى. سوتتالۋشىلار وزگە تۇزەۋ مەكەمەلەرىنە اۋىستىرىلدى. وندا جۇمىس ىستەگەن لاۋازىمدى تۇلعالار وزگە مەكەمەلەرگە اۋىستىرىلدى، كەيبىرى كادرلىق رەزەرۆتە تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى