پاۆلوداردا جولاۋشىلاردى وزەن ارقىلى تاسىمالدايتىن تاكسي ىسكە قوسىلادى
الداعى ماۋسىمدا «ەللينگ-پۆ» جاۋاپكەرشىلىگى شەكتەۋلى سەرىكتەستىگى ۋسولسكي شاعىن اۋدانى - بلاگوۆەشەنسك شىركەۋى جانە ومبى- سەمەي باعىتتارى بويىنشا جۇرەتىن تاكسي قىزمەتىن جولعا قويادى. ول ءۇشىن رەسەيدەن جاڭا كەمەلەر ساتىپ الىنباق. وسى ماقسات بويىنشا اۋقىمدى ينۆەستيتسيالىق جوبا ىسكە قولعا الىنادى.
پاۆلودار قالاسىنىڭ اكىمدىگى جاقىندا وزەن تاكسيىنىڭ تانىستىرىلىمىن ۇيىمداستىرماقشى. «سۋ تاكسيى قىزمەتىن جولعا قويۋ - قالانىڭ كولىك ينفراقۇرىلىمىن سۋ نىساندارىن كەڭىرەك پايدالانۋ ەسەبىنەن جەتىلدىرۋگە ىقپال ەتىپ، پاۆلودار تۇرعىندارى مەن وندا كەلۋشى قوناقتار ءۇشىن كولىك قىزمەتىن دامىتىپ، ايماقتىڭ تۋريستىك تارتىمدىلىعىن ارتتىرىپ، پاۆلوداردىڭ كەلبەتىن دە ارلەندىرە تۇسپەك»، - دەدى توو «ەللينگ-پ ۆ» ج ش س- نىڭ ديرەكتورى الەكساندر ۆولكوۆ.
اتالعان كومپانيا وكىلدەرى جاز مەزگىلىندە پاۆلوداردا ەرتىس وزەنى ارقىلى ساياحات ۇيىمداستىرۋ ءىسىن قولعا الماقشى. ءوز كەزەگىندە بۇل باستاما بالىقشىلاردىڭ ەرتىستىڭ ەكىنشى بەتىن جەتكىزۋگە مۇمكىندىك بەرەدى. جاز مەزگىلىندە سونىمەن قاتار وقۋشىلار ءۇشىن دە ساياحات ۇيىمداستىرۋ جوسپاردا بار.
