الماتىدا اۋەدەن گۇل جاۋدى
ەرەكشە اكسيانى حالىقارالىق ايەلدەر كۇنىنە وراي iDroneKZ شىعارماشىلىق توبى ۇيىمداستىردى. ەرەكشە قۇتتىقتاۋعا ارباتتا سەرۋەندەپ جۇرگەن ادامدار كۋا بولدى.
سونىمەن قاتار 8 -ناۋرىز مەرەكەسىمەن ايەلدەردى وسىلايشا قازاقستان- بريتان تەحنيكالىق ۋنيۆەرسيتەتىنىڭ جانىندا قۇتتىقتادى. iDroneKZ توبىنىڭ جىگىتتەرى اۋەدەن درون ارقىلى گۇلدەردى ءال-فارابي اتىنداعى قازاق ۇلتتىق ۋنيۆەرسيتەتىندە جۇرگەن ايەلدەرگە بەردى وسىعان دەيىن، شىمكەنت ونەرلى جاستارى قالاداعى بارلىق انالاردى ەرەكشە قۇتتىقتادى.
8 -ناۋرىزدا وڭتۇستىك قازاقستان مەملەكەتتىك ۋنيۆەرسيتەتىنىڭ ءۇش ستۋدەنتى ايبەك، نۇربەك جانە ماعجان ەسىمدى جىگىتتەر قولدارىنا مۋزىكالىق اسپاپتارىن الىپ، كوشەگە شىقتى. ولار ايالدامادا تۇرىپ، ءبىرىنشى كەلگەن اۆتوبۋسقا وتىرا سالىسىمەن جولاۋشىلار ءۇشىن انالار تۋرالى اندەر ورىنداعان. جاستاردىڭ وسى ارەكەتى بارلىق قالا تۇرعىندارى مەن جەلى قولدانۋشىلارىن ءتانتى ەتتى. جاستاردىڭ ورىنداعان اۋەندەرىنە ايەلدەر قوسىلىپ، العىستارىن ءبىلدىردى.
