عىلىمدى قۋعانشا دانەكەرلەۋشى بولىپ ىستەگەن دۇرىس شىعار - تاريحشى

سەبەبى جالاقى از، دەپ حابارلايدى قازاقپارات ءتىلشىسى.

«بىزدە كاسىبي ءبىلىمدى تەگىن بەرىپ، جۇمىسشى ماماندىقتارعا اقىسىز وقىتۋ باستاماسىن قولعا العانى وتە دۇرىس بولدى. ول اۋىل جاستارىنىڭ ءبىراز پروبلەماسىن شەشىپ بەرۋى ءتيىس. مىسالى، ءبىر جاقسى دانەكەرلەۋشى ايىنا ءبىر- ەكى مىڭ دوللار الۋى مۇمكىن. كەي كەزدە ويلايسىن، قينالىپ، عىلىم قۋىپ، دوكتور بولعانشا، مۇمكىن، جاقسى ءبىر دانەكەرلەۋشى بولۋ قاجەت پا ەدى؟. سەبەبى قازىرگى كەزدە كاسىبي دانەكەرلەۋشىگە دە، كاسىبي قۇرىلىسشىعا دا سۇرانىس بار. ونداي ماماندار تاپشى»، - دەيدى تاريحشى اياعان.

ينستيتۋت ديرەكتورىنىڭ ايتۋىنشا، عىلىمدا جۇرگەن پروفەسسوردار كوپ تابىس تابۋى مۇمكىن. الايدا جاس ماماندار عىلىمعا كوپ كەلە بەرمەيدى. سەبەبى جالاقى تومەن. «بۇل ءوزى سوڭعى 20 جىلدا بولىپ جاتقان جاعداي. جاستاردىڭ عىلىمعا كەلۋى مۇلدەم ازايىپ كەتكەن. دارىندى جىگىتتەردىڭ كوبىسى بيزنەستى، ءيا بولماسا، مەملەكەتتىك قىزمەتتى قۋىپ كەتەدى. ولاردىڭ كەلمەيتىن سەبەبى - جالاقى از. سول ماسەلە قينايدى»، - دەپ اتاپ كورسەتتى پروفەسسور قازاقپارات تىلشىسىنە بەرگەن سۇحباتىندا.

ايتا كەتەيىك، «قازاقستاننىڭ مەملەكەتتىك- جەكەشەلىك ورتالىعى» ا ق ءتوراعاسىنىڭ ورىنباسارى، «بولاشاق» باعدارلاماسىنىڭ تۇلەگى عالىمبەك مامىرايەۆتىڭ ويىنشا، ەل ەكونوميكاسىن جاڭعىرتۋ شارالارى اياسىندا جۇمىسشى ماماندىقتاردان بۇرىن كەڭسەدە وتىرعان قىزمەتكەرلەردى قىسقارتۋ قاۋپى باسىم بولىپ تۇر.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى