ءابىليازوۆقا قاتىستى قىلمىستىق ءىس سوتقا جولداندى

«3- ناۋرىز كۇنى الماتى پروكۋراتۋراسى ءابىليازوۆقا قاتىستى قىلمىستىق ءىستىڭ زەرتتەۋ قورىتىندىسى بويىنشا، بانكتىڭ بۇرىنعى ءبىرىنشى ورىنباسارى، نەسيە كوميتەتىنىڭ ءتوراعاسى جارىمبەتوۆكە، نەسيە جونىندەگى ديرەكتورى سادىقوۆقا جانە باسقارما باسشىسى س. مامەشكە قاتىستى ايىپتاۋ اكتىسىن بەكىتۋ تۋرالى شەشىم شىعاردى»، دەپ حابارلادى پروكۋراتۋرادان.

ايىپتاۋ اكتىسى قولحات ارقىلى قىلمىستىق ءىس قوزعالعانداردىڭ بارلىعىنا سونىڭ ىشىندە، ءابىليازوۆتىڭ قورعاۋشىسىنا دا تاپسىرىلعان. «ءابىليازوۆتىڭ ءوزى قازاقستان اۋماعىنان تىس جەردە جانە ەلگە كەلۋدەن جالتارىپ وتىر. وسىعان بايلانىستى، پروكۋراتۋرا قازىرگى ۋاقىتتا وعان قاتىستى قىلمىستىق ءىستى سوتقا تاپسىردى»، - دەدى قالالىق پروكۋراتۋرانىڭ باسپا ءسوز قىزمەتىنەن.

ەسكە سالا كەتەيىك، 2017-جىلدىڭ 2-14- اقپانىندا قىلمىستىق پروتسەسسۋالدىق كودەكس تالاپتارىنا سايكەس، سىبايلاس جەمقورلىققا قارسى ءىس-قيمىل ۇلتتىق بيۋروسى قازاقستاندىق جانە شەتەلدىك ب ا ق- قا ءابىليازوۆتى تەرگەۋگە شاقىرعانىن ەسكەرتىپ اقپارات جاريالاعان.

الايدا، بۇرىنعى بانك باسشىسى بەلگىلەنگەن ۋاقىتتا كەلگەن جوق. قولدانىستاعى زاڭ سوتتالۋشى ەل اۋماعىنان تىس جەردە، سوتقا كەلۋدەن جالتارىپ جۇرگەن جاعدايدا، ق ر ق پ ك 335-بابىنا سايكەس، ءىستى سوتتا قاراۋعا رۇقسات ەتكەن.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى