ب ع م قازاق- تۇرىك ليتسەيلەرىنىڭ تۇركيانىڭ ءبىلىم مينيسترلىگىنە وتپەيتىندىگىن ءمالىم ەتتى
ق ر ءبىلىم جانە عىلىم مينيسترلىگى مۇنداي شارانىڭ بولۋ ىقتيمالدىعىنىڭ ءوزىن رەسمي تۇردە جوققا شىعاردى. بۇل تۋرالى مينيسترلىكتىڭ رەسمي مالىمدەمەسىندە ايتىلدى.
«ق ر ءبىلىم جانە عىلىم مينيسترلىگى «ءبىلىم- يننوۆاتسيا ليتسەيلەرىنىڭ» تولىقتاي قازاقستاندىق ءبىلىم بەرۋ مەكەمەلەرى ەكەندىگى تۋرالى، سونداي- اق ولاردىڭ ءوز قىزمەتىن قالىپتاسقان جاعدايدا جالعاستىراتىنى تۋرالى رەسمي مالىمدەيدى. تۇرىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى نيەۆزات ۋيانىكتىڭ 2 - ناۋرىز كۇنى قازاق- تۇرىك ليتسەيلەرىنىڭ (ق ت ل) تۇركيانىڭ ءبىلىم مينيسترلىگى باسقارۋىنا وتەتىندىگى تۋرالى ايتقان بولاتىن. ق ر ءبىلىم جانە عىلىم مينيسترلىگى مۇنداي شارانىڭ بولۋ ىقتيمالدىعىنىڭ ءوزىن رەسمي تۇردە جوققا شىعاراتىنى تۋرالى مالىمدەيدى. ق ت ل «ءبىلىم- يننوۆاتسيا ليتسەيلەرى» بولىپ قايتا قۇرىلىپ، قازاقستاندىق ءبىلىم بەرۋ ستاندارتتارى بويىنشا جۇمىس ىستەيدى»، - دەلىنگەن باسپا ءسوز قىزمەتى تاراتقان مالىمدەمەدە. سونىمەن قاتار جاڭا اتاۋ بەرىلگەن وقۋ ورىندارىنىڭ جۇمىسى وزگەرمەيتىندىگى اتالىپ ءوتىلدى.
«ق ر ءبىلىم جانە عىلىم مينيسترلىگى مەن ق ر سىرتقى ىستەر مينيسترلىگى وسى ماسەلە بويىنشا بىرىگىپ مالىمدەمە جاسايدى. وعان دەيىن ق ر ءبىلىم جانە عىلىم مينيسترلىگى قازاقستاندىقتاردى تۇركيا ەلشىسىنىڭ جاساعان مالىمدەمەسى بويىنشا الاڭداماۋلارىن سۇرايدى. «ءبىلىم- يننوۆاتسيا ليتسەيى» جۇمىسىنىڭ ادەتتەگى ءتارتىبى وزگەرىسسىز قالادى»، دەلىنگەن حابارلامادا.
ايتا كەتەرلىگى، «ءبىلىم- يننوۆاتسيا ليتسەيى» - جۇرتشىلىق اراسىندا جوعارى بەدەل مەن قۇرمەتكە يە بولىپ وتىرعان ءبىلىم بەرۋ مەكەمەسى. قازاق- تۇرىك ليتسەيلەرىنىڭ ءبارى 2016 -جىلى «ءبىلىم- يننوۆاتسيا ليتسەيلەرى» بولىپ قايتا قۇرىلعان.
